Chhagan Bhujbal यांच्या दालनात ‘कोणते’ फोटो? पत्रकारांच्या प्रश्नावर थेट अधिकाऱ्यांना विचारणा

• प्रतिनिधी

अन्न व नागरी पुरवठा खात्याचा पदभार स्वीकारल्यानंतर मंत्री छगन भुजबळ (Chhagan Bhujbal) यांनी माध्यमांशी संवाद साधला. संवादादरम्यान पत्रकारांनी त्यांच्या दालनातील महापुरुषांचे फोटो दिसत नसल्याची विचारणा केली असता, भुजबळांनी त्वरित अधिकाऱ्यांना आवाज देत, “फोटो कुठे आहेत?” असा थेट प्रश्न विचारला!

या प्रश्नावर उत्तर देताना भुजबळ (Chhagan Bhujbal) म्हणाले, “छत्रपती शिवाजी महाराज यांच्यापासून ते देशाचे पंतप्रधान नरेंद्र मोदी यांचे फोटो माझ्या दालनात असणारच.” त्यांनी स्पष्ट केले की, “राष्ट्रवादी काँग्रेसचे राष्ट्रीय अध्यक्ष अजित पवार यांचा फोटोही असणार आहे, कारण ते पक्षाचे नेतृत्व करत आहेत.”

(हेही वाचा – Hindustan Post Impact : सशस्त्र दलाच्या दोन कॉन्स्टेबल्सवर शिस्तभंगाची कारवाई; विभागीय चौकशी सुरू)

भुजबळांच्या (Chhagan Bhujbal) या उत्तराने उपस्थितांमध्ये एक क्षण हास्याचं वातावरण तयार झालं. राजकीय भान राखत त्यांनी कोणताही वाद न होता सर्व नेत्यांना योग्य तो मान देण्याचा प्रयत्न केला. त्यांच्या उत्तरातून त्यांनी राष्ट्रीय, ऐतिहासिक आणि पक्षीय नेतृत्वाचा समतोल साधल्याचे दिसले.

दालनातील फोटोवरून उठलेल्या एका साध्या प्रश्नावर भुजबळांनी (Chhagan Bhujbal) संयमित आणि स्पष्ट उत्तर देत, शिवाजी महाराजांपासून मोदींपर्यंत सर्वांचा सन्मान राखण्याची भूमिका घेतली. त्यांच्या याच वक्तव्याने पुन्हा एकदा राजकारणातील त्यांच्या संतुलित दृष्टिकोनाची झलक मिळाली.

हेही पहा –