islampur sangli : उरण-इस्लामपूर हे कशासाठी प्रसिद्ध आहे?

उरण-इस्लामपूर हे सांगली जिल्ह्यातलं एक प्रमुख शहर आहे. उरण इस्लामपूर इथल्या नगरपरिषदेची स्थापना दिनांक १६ नोव्हेंबर १८५३ या दिवशी झाली होती. २००१ सालच्या जनगणनेनुसार या शहराची लोकसंख्या ५८३३० एवढी आहे. उरण-इस्लामपूर नगरपालिका ही “ब” वर्ग नगरपालिका आहे. उरण-इस्लामपूर शहराचं क्षेत्रफळ साधारणतः ४०४२ हेक्टर एवढं आहे. (islampur sangli)

उरण-इस्लामपूरच्या महानगरपालिका हद्दीमध्ये एकूण २६ वॉर्ड आहेत. त्यांतून २६ नगरसेवक निवडून येतात. तसंच नगरपालिकेमध्ये ३ नामनिर्देशित सदस्य आहेत. शहराच्या पश्चिम सीमेपासून पुणे-बंगळुरू राष्ट्रीय महामार्ग क्रमांक ४ पर्यंत २.५ किलोमीटर एवढ्या अंतरावर पेठ-सांगली राज्य रस्ता क्रमांक १३८ हा या शहरातून जातो. (islampur sangli)

(हेही वाचा – Bengaluru Stampede : चिन्नास्वामी मैदानावरील चेंगराचेंगरी बंगळुरूला पडली महागात; बीसीसीआयने सामने हलवले)

उरण-इस्लामपूर इथल्या नागरी सुविधा

या शहरातल्या नागरिकांना पिण्याचं शुद्ध पाणी पुरवण्यासाठी पाणीपुरवठा योजना सुरू आहे. या शहरामध्ये अनुक्रमे ७ लाख, ७.५ लाख आणि ७.५ लाख लिटर क्षमतेच्या तीन पाण्याच्या टाक्या आहेत. इथून ११ किलोमीटर अंतरावर असलेल्या कृष्णा नदीतून दोन टप्प्यांमध्ये या टाक्यांमध्ये पाणीपुरवठा केला जातो. उरण-इस्लामपूर नगरपरिषद ही राज्यातील एकमेव नगरपरिषद असावी जी पाण्याच्या मीटरद्वारे पाण्यासाठी दर आकारते. नरसिंगपूर या गावापासून १० किलोमीटर एवढ्या अंतरावर आहे. इस्लामपूर शहरामध्ये कर्मवीर भाऊराव पाटील कॉलेज, केआरपी कन्या, मालती कन्या आणि आर अशी काही प्रसिद्ध महाविद्यालये आहेत. यांमध्ये आयटी कॉलेज सारखी अभियांत्रिकी महाविद्यालयांचाही समावेश आहे. (islampur sangli)

उरण-इस्लामपूर हे निमग्रामीण शहर आहे. या शहराचा मुख्य भाग उरण हा आहे. या भागातून शहराचा खरोखरच विस्तार झाला आहे हे दिसून येतं. म्हणूनच या शहराचं मूळ नाव उरण-इस्लामपूर असं आहे. उरण परिसरात महादेवांचं एक मोठं मंदिर आहे. तसंच राजारामबापू पाटील सहकारी साखर कारखाना आणि त्याच्या जवळच एक मोठं राम मंदिर आहे. या मंदिराजवळच राजारामबापू पाटील अभियांत्रिकी महाविद्यालय आहे. (islampur sangli)

(हेही वाचा – Operation Sindoor : मायदेशी परतल्यावर सर्वपक्षीय शिष्टमंडळाने घेतली पंतप्रधान मोदींची भेट ! फोटो व्हायरल)

उरण-इस्लामपूर इथे असणारी सरकारी कार्यालये

उरण-इस्लामपूर हे शहर वाळवा तालुक्यात येत असलं तरी तालुक्याची सर्व सरकारी कार्यालयं ही इस्लामपूरमध्ये आहेत. यांमध्ये तहसीलदार, प्रांत कार्यालय, पोलिस स्टेशन, उपविभागीय पोलिस कार्यालय, फौजदारी आणि दिवाणी न्यायालयं, अतिरिक्त जिल्हा आणि सत्र न्यायालयं, भूमी अभिलेख कार्यालय, शहर सर्वेक्षण कार्यालय, मुद्रांक आणि दस्त नोंदणी कार्यालय इत्यादी प्रमुख कार्यालयांचा समावेश आहे. (islampur sangli)

(हेही वाचा – barshi : बार्शी कशासाठी प्रसिद्ध आहे?)

उरण-इस्लामपूर इथली शिक्षण व्यवस्था

या शहरामध्ये वेगवेगळ्या प्राथमिक शाळा, माध्यमिक शाळा आहेत. मराठी माध्यमाच्या शाळांमध्ये प्रामुख्याने आदर्श बालक मंदिर, इस्लामपूर हायस्कूल, विद्या मंदिर, सद्गुरु विद्यालय, यशवंत हायस्कूल इत्यादी प्रमुख शाळा आहेत. तसंच इंग्रजी माध्यमाच्या शाळांमध्ये प्रकाश पब्लिक स्कूल, विद्यानिकेतन इत्यादी शाळांचा समावेश आहे. (islampur sangli)

कर्मवीर भाऊराव पाटील या महाविद्यालयाची स्थापना १९६१ साली झाली होती. हे महाविद्यालय इथलं सर्वांत जुनं महाविद्यालय आहे. हे ग्रामीण भागातलं एक अग्रगण्य महाविद्यालय म्हणून ओळखलं जातं. या महाविद्यालयामध्ये पदवीपूर्व आणि पदव्युत्तर शिक्षण उपलब्ध आहे. इथल्या स्पर्धा परीक्षा मार्गदर्शन केंद्राचं एक वैशिष्ट्य आहे. त्यातून कित्येक अधिकारी सरकारी पदांवर कार्यरत आहेत. (islampur sangli)

हेही पहा –