बार्शी हे सोलापूर जिल्ह्यातलं एक तालुक्याचं शहर आहे. या शहराची लोकसंख्या खूप जास्त आहे. पण विकास मर्यादित आहे. बार्शी हे सोलापूर आणि धाराशिवच्या सीमेजवळ आहे. (barshi)
बार्शी हे शहर सोलापूर जिल्ह्यातलं सर्वांत मोठ्या शहरांपैकी एक आहे. हे शहर व्यवसाय, उद्योग आणि पर्यटनाचं केंद्र आहे. विशेषतः इथे मसूर उद्योगांची संख्या जास्त आहे. याव्यतिरिक्त हे शहर पॉवरलूम आणि हातमाग उद्योगांसाठीही ओळखलं जातं. मराठवाडा भागातल्या ग्रामीण जनतेसाठी बार्शी हे वैद्यकीय, शैक्षणिक आणि कृषी बाजारपेठेचं केंद्र म्हणून उदयास येत आहे. (barshi)
(हेही वाचा – Pakistan in Debt : पाकिस्तानचं कर्ज वाढून ७६,००० अब्जांवर; तरीही अर्थमंत्री म्हणतात अर्थव्यवस्था रुळावर)
बार्शी इथलं भगवंत मंदिर
बार्शी इथलं भगवंत मंदिर हे भगवान श्री विष्णूंचं मंदिर आहे. या मंदिराचं वैशिष्ट्य असं की, संपूर्ण भारतात भगवान श्री विष्णूचं हे एकमेव मंदिर आहे. ज्याचं नाव भगवान असं आहे. (barshi)
हे मंदिर १२४५ साली हेमाडपंथी शैलीमध्ये बांधलं गेलं होतं. या मंदिरात चारही दिशांना प्रत्येकी एक असे चार प्रवेशद्वार आहेत. पण मुख्य प्रवेशद्वार हा पूर्वाभिमुख आहे. या मंदिराच्या गाभाऱ्यासमोर एक गरुडखांब आहे. गाभाऱ्यात असलेली भगवान श्रीहरी विष्णूची मूर्ती काळ्या दगडात कोरलेली आहे. भगवान श्रीहरी विष्णूंच्या हातात शंख, चक्र आणि गदा आहे आणि उजव्या हाताखाली भक्त राजा अम्ब्रीश यांचं शिल्प आहे. मूर्तीच्या मागच्या बाजूला श्रीलक्ष्मी आहे. याव्यतिरिक्त मूर्तीच्या कपाळावर शिवलिंग आहे आणि छातीवर भृगू ऋषींच्या पावलांच्या खुणा कोरलेल्या आहेत. या मंदिरासाठी १७६० साली श्री नानासाहेब पेशवे यांनी १८२३ साली ईस्ट इंडिया कंपनीने आणि १७८४ साली ब्रिटीश सरकारने अनुदान दिलं होतं असं म्हटलं जातं. (barshi)
या मंदिराची देखभाल मंदिर व्यवस्थापन पंच समितीद्वारे केली जाते. बडवे मंदिराच्या दैनंदिन विधींचं काम करतात. या दैनंदिन विधींमध्ये काकड आरती, नित्य पूजा, सकाळची महापूजा, संध्याकाळची धुपारती आणि रात्रीची शेजारती यांचा समावेश आहे. चैत्र, माघ, आषाढ आणि कार्तिक या महिन्यांच्या एकादशीच्या दिवशी या मंदिरात मोठ्या संख्येने भाविक भक्त येतात. आषाढी आणि कार्तिकी एकादशीला गरुडावर स्वार असलेल्या भगवंतांच्या मूर्तीची मोठी मिरवणूक काढली जाते. (barshi)
हेही पहा –
Join Our WhatsApp Community