sitafal benefits in marathi : सीताफळाच्या बिया असतात घातक; पण सीताफळ खाल्ल्याने तुम्ही राहता निरोगी

सीताफळ खाण्याचे कोणकोणते फायदे होतात ते आम्ही तुम्हाला सांगणार आहोत. पण त्याआधी सीताफळाबद्दलची काही मनोरंजक तथ्ये आपण जाणून घेऊयात… (sitafal benefits in marathi)

• सीताफळ हे अ‍ॅनोनेसी या प्रजातीतून येतं.
• पौराणिक कथेच्या संदर्भानुसार या फळाला ‘सीताफळ’ हे नाव माता सीतेच्या नावावरून ठेवण्यात आलं आहे. असं म्हटलं जातं की, १४ वर्षांच्या वनवासात असताना एकदा माता सीता यांना भूक लागली होती. त्यावेळी भगवान श्रीरामांनी जमिनीवर एका ठिकाणी बाण मारला. त्याच ठिकाणी हे फळ दिसलं. खास सीता मातेसाठी प्रकट झालेल्या या फळाला ‘सीताफळ’ असं नाव ठेवण्यात आलं.
• सीताफळाला इंग्रजी भाषेत “कस्टर्ड अ‍ॅपल” आणि अरबी भाषेत “शरीफा” असं म्हणतात.
• सीताफळाच्या दाहक-विरोधी आणि प्रतिजैविक गुणधर्मांसाठी त्याचा वापर आयुर्वेदामध्येही केला जातो.
• सीताफळमध्ये असलेले अँटिऑक्सिडंट्स अनेक जुनाट आजारांना दूर करण्यास मदत करतात.
• सीताफळाच्या बिया मात्र मुबलक प्रमाणात खाल्ल्याने त्या घातक ठरू शकतात. फळ खाण्यापूर्वी बिया काढून टाका.
• सीताफळाची झाडं ५ ते ९ फूट एवढीही उंच असू शकतात.
• सीताफळ हे जगभरात इतर अनेक नावांनी ओळखलं जातं. जसं की, शुगर अ‍ॅपल, बुआ नोना, सेरी काया, स्वीट्सॉप, अनोना, नोना आणि बुलॉक हार्ट इत्यादी. (sitafal benefits in marathi)

(हेही वाचा – car washing machine price : आता घरीच धुवा तुमची कार; परवडणार्‍या किंमतीत मिळवा कार वॉशिंग मशीन)

सीताफळ खाल्ल्याने कोणकोणते फायदे मिळतात?

• सीताफळामध्ये त्वचेला समृद्ध करणारे अनेक घटक असतात. सीताफळ हे त्वचेच्या संसर्गावर उपचार करण्यास मदत करू शकतं. यामध्ये व्हिटॅमिन बी५, व्हिटॅमिन सी, व्हिटॅमिन ए, झिंक आणि तांबे इत्यादी घटक असतात. हे घटक मुरुम, ऍलर्जी आणि त्वचेच्या इतर समस्या प्रभावीपणे नाहीश्या करण्यासाठी एकत्र काम करतात. याव्यतिरिक्त या फळामध्ये हायड्रेटिंग गुणधर्म आणि नैसर्गिक तेल असतात. त्यामुळे त्वचेला लकाकी आणि लवचिकता मिळते. सीताफळ खाल्ल्याने त्वचेचा कोरडेपणा कमी होतो.
• सीताफळामुळे रक्तातली अतिरिक्त साखर नियंत्रित राहण्यास मदत मिळते. सीताफळ हे गोड असलं तरी त्याचा कमी ग्लायसेमिक इंडेक्स रक्तप्रवाहामध्ये साखर हळूहळू सोडण्यास मदत करतो. त्यामुळे मधुमेह होण्याचा धोका कमी होतो.
• सीताफळामध्ये असलेल्या फायबरमुळे त्यातलं ग्लुकोज हे कमी प्रमाणात शरीरात शोषलं जातं. त्यामुळे रक्तातल्या साखरेची पातळी नियंत्रित राहते.
• हाडांच्या आरोग्यासाठीही सीताफळ खाल्ल्याने अनेक फायदे होतात. सीताफळामध्ये फॉस्फरस आणि व्हिटॅमिन के असतं. ते हाडांना ऑस्टियोपोरोसिसपासून संरक्षण देतं. त्यामुळे हाडं कमकुवत होत नाहीत तर निरोगी राहतात. याव्यतिरिक्त सीताफळामध्ये कॅल्शियमही मोठ्या प्रमाणात असतं. त्यामुळे हाडं मजबूत राहतात.
• सीताफळ खाल्ल्याने चयापचय क्रिया सुधारण्यास मदत होते. सीताफळामध्ये असलेल्या फायबरमुळे अन्नपचन सुरळीत होतं. सीताफळ खाल्ल्याने मल विसर्जन नियमित होते आणि बद्धकोष्ठतेला प्रतिबंध होण्यास मदत मिळते.
• सीताफळ फळ खाल्ल्याने शरीरावर आलेल्या जखमा लवकर बऱ्या होतात. कारण सीताफळामध्ये व्हिटॅमिन सी आणि मॅंगनीज हे मोठ्या प्रमाणात असतं. व्हिटॅमिन सी हे जखमेचा दाह कमी करण्यास मदत करते आणि रोगप्रतिकारक शक्ती वाढवते. सीताफळाचे दाहक-विरोधी गुणधर्म सूज कमी करण्यास आणि जखमा जलद गतीने भरून काढण्यास मदत करतात.
• सीताफळमध्ये हेपेटोप्रोटेक्टिव्ह गुणधर्म असतात. हे गुणधर्म यकृताच्या दीर्घकालीन आजारांपासून आणि यकृताच्या जळजळीपासून संरक्षण करण्यास मदत करतात. तसंच बिलीरुबिनची पातळी कमी करण्यास मदत करतात. याशिवाय सीताफळामध्ये डिटॉक्सिफायिंग गुणधर्म देखील असतात. त्यामुळे यकृताला रक्तातले विषारी पदार्थ फिल्टर करण्यास मदत मिळते. सीताफळ फळ दररोज खाल्ल्याने यकृत अधिक कार्यक्षमतेने विषारी पदार्थ काढून टाकण्यास मदत करू शकतं.
• सीताफळ खाल्ल्याने डोळ्यांचं आरोग्य सुधारतं. सीताफळात असलेलं व्हिटॅमिन ए हे डोळ्यांच्या आरोग्यासाठी फायदेशीर आहे. निरोगी दृष्टी राखण्यासाठी रोडोप्सिनच्या निर्मितीसाठी व्हिटॅमिन ए महत्वाचं आहे. तसंच सीताफळामध्ये व्हिटॅमिन सी हे मुबलक प्रमाणात असल्यामुळे जे डोळ्यांच्या रक्तवाहिन्यांचं आरोग्य सुधारतं. (sitafal benefits in marathi)

हेही पहा –