प्रियदर्शिनी पार्क (Priyadarshini Park) आणि स्पोर्ट्स कॉम्प्लेक्स हे दक्षिण मुंबईतीलं स्वच्छ आणि व्यवस्थित राखलेलं समुद्राभिमुख असं एक आकर्षण आहे. एका अत्याधुनिक परिसरात असलेलं हे पार्क नेपियनसी रस्त्यावर असलेल्या अनेक महागड्या अपार्टमेंट्सच्या समोरच आहे. हे पार्क २० एकर एवढ्या जमिनीवर पसरलेला आहे. हे पार्क आता मुंबईतल्या लोकांना उत्साही ठेवण्यासाठी एक महत्त्वाचे ठिकाण बनले आहे. तीन दशकांपेक्षा जास्त काळापासून हे अद्भुत पार्क, मनोरंजन पार्क तसंच क्रीडा आणि फिटनेस कॉम्प्लेक्स म्हणून लोकांसाठी खुले आहे.
मुंबईतल्या या प्रियदर्शनी पार्कच्या क्रियाकलापांचा आनंद घेण्यासाठी सकाळी लवकर येथे भेट द्यायला हवी. इथे येणारे लोक पावसाळ्याच्या सुरुवातीला समुद्राभिमुख टोकावर बसून शांत लाटांच्या आवाजाचा आनंद घेतात. एकेकाळी हा जमिनीचा तुकडा मलबारच्या किनारपट्टीच्या (Malabar Coast) प्रदेशाचा फक्त एक खडकाळ भाग होता. पण आज तुम्हाला इथे एक भव्य हिरवीगार बाग दिसेल. ही बाग एकूण ६०० पेक्षा जास्त नारळाच्या झाडांनी सजवलेली आहे.
(हेही वाचा – Malad पठाणवाडीतील अनधिकृत बांधकाम जमिनदोस्त)
परिपूर्ण आणि व्यवस्थित राखलेले वातावरण असलेलं हे उद्यान सकाळी लवकर योगा, जॉगिंग, चालणे, एरोबिक्स इत्यादीं व्यायाम प्रकार करणाऱ्यांसाठी एक वरदानच आहे. मलबार हिल सिटीझन फोरम हे या प्रियदर्शनी पार्कची व्यवस्थित काळजी घेतात. त्यांच्या अधिकाऱ्यांशी संपर्क साधून तुम्ही त्यांच्याकडून आयोजित होणाऱ्या मनोरंजक क्रीडा उपक्रमांचे वार्षिक सदस्यही होऊ शकता.
मुंबईतलं हे प्रियदर्शिनी पार्क (Priyadarshini Park) कुटुंब सहलीचं एक आदर्श ठिकाणही आहे.
प्रियदर्शिनी पार्कपर्यंत कसं पोहोचायचं?
- बसने इथे यायचं असेल तर ग्रँट रोड बस स्थानकापर्यंत येण्यासाठी तुम्हाला बस शोधावी लागेल. तिथून तुम्ही प्रियदर्शिनी नेपियन्सी रोड बस स्टॉपवर जाण्यासाठी दुसरी बस निवडू शकता.
- जर का तुम्ही ट्रेनने जाण्याचा विचार करत असाल, तर तुम्हाला ग्रँट रोड रेल्वे स्थानकावर उतरावं लागेल. त्यानंतर तुम्ही प्रियदर्शिनी पार्कला जाण्यासाठी बस सेवा किंवा टॅक्सीचा पर्याय निवडू शकता.
- तुमच्या राहत्या ठिकाणाहून भाड्याने घेतलेली कॅब किंवा सेल्फ-ड्राइव्ह करणं थोडं महाग असू शकतं. तसंच जर तुम्ही स्वतः खाजगी गाडी इथे आणली तर तुम्हाला कार पार्किंगच्या समस्यांचा त्रास होण्याची शक्यता आहे.
प्रियदर्शिनी पार्कला भेट देण्यासाठी सर्वोत्तम वेळ कोणती?
पावसाळ्याच्या सुरुवातीला प्रियदर्शिनी पार्कला भेट देण्याची योजना आखणं हे सर्वोत्तम ठरेल. कारण या काळात इथलं निसर्गसौंदर्य आश्चर्यकारक असतं. तुम्ही प्रियदर्शिनी पार्कच्या (Priyadarshini Park) एखाद्या कोपऱ्यात बसून समुद्राचं दृश्य पाहू शकता आणि भरती-ओहोटीचा आवाज शांतपणे ऐकू शकता.
समुद्रातून तुमच्या दिशेने वाहणारा थंडगार वारा तुमच्या सर्व वैयक्तिक ताणतणावांना नक्कीच कमी करेल. शक्य असल्यास सूर्योदय पाहण्यासाठी सकाळी लवकर किंवा सूर्यास्त पाहण्यासाठी संध्याकाळी उशिरा प्रियदर्शनी पार्कला भेट देण्याचा नक्की प्रयत्न करा.
हेही पहा –
Join Our WhatsApp Community