पवना लेक लोणावळ्यापासून २५ किलोमीटर अंतरावर असलेलं एक धरण आहे. हा पिकनिक स्पॉट पुणे आणि मुंबई इथल्या पर्यटकांसाठी पिकनिक आणि कॅम्पिंग साइट म्हणून लोकप्रिय आहे. तुम्हाला वीकेंडसाठी खूप लांब जायचं नसेल तर पवना लेक हा पुणे आणि मुंबईजवळ असलेला उत्कृष्ट पिकनिक आणि कॅम्पिंग स्पॉट आहे.
कॅम्पिंग हा सर्व वयोगटातल्या लोकांसाठी एक असा एक अनुभव असतो, ज्यामुळे सर्व ऋतूंमध्ये निसर्गाच्या सान्निध्यात वेळ घालवल्यावर आपलं शरीर आणि मन ताजेतवाने होऊन जाते. त्यामुळे आपल्याला एक वेगळेच समाधान मिळते. कॅम्पिंगमुळे एक परिपूर्ण आन अनंद मिळतो. दिवसा क्रिकेट खेळणे आणि रात्री मंद अंगावर झेलत चांदण्यांच्या छताखाली झोपणे यामुळे शरीर आणि मनाचा थकवा निघून जातो आणि नवीन उर्जेचा संचार होतो.
पवना लेकवर कॅम्पिंग करण्यासाठी बरीच कॉर्पोरेटची मंडळी आणि तरुण गर्दी करतात. या ठिकाणी तलावाच्या भोवती टेंट लावलेले आहेत. तसंच इथे निसर्गाच्या सान्निध्यात जेवण आणि मनोरंजनाचा आनंदही घेता येतो. एवढंच नाही तर इथे लाइव्ह संगीत, शेकोटी, गेम्स आणि बार्बेक्यू डिनर या सगळ्या गोष्टी तुमचा विकेंड परिपूर्ण बनवतात. (Pawna Lake)
(हेही वाचा – World Kidney Day साजरा करण्यामागचं काय आहे कारण?)
पवना लेक इथे कोणत्या गोष्टी करता येतात?
- दुधीवारे धबधब्यावर अडव्हेंचरचा अनुभव
- पवना तलावावर कॅम्पिंग
- पॅराग्लायडिंग
- लोहगड किंवा विसापूर पर्यंत ट्रेक
- तिकोना किल्ला ट्रेक
- पवना लेकवर कायाकिंग
पवना लेकचा इतिहास
पवना लेक हे पवना धरणामुळे अस्तित्वात आलेलं एक कृत्रिम तलाव आहे. पवना धरण हे पिंपरी चिंचवड शहराच्या सीमेपासून सुमारे ४० किलोमीटर एवढ्या अंतरावर मावळ तालुक्यात असलेल्या पवना नदीवर बांधलेलं आहे. या धरणाची क्षमता सुमारे १० टीएमसी एवढी आहे.
पवना धरणाचं बांधकाम १९६३ साली सुरू झालं आणि १९७२ साली हे धरण बांधून पूर्ण झालं. हे धरण १,३२९ मीटर म्हणजेच ४,३६० फूट लांब आणि ४२.३७ मीटर म्हणजेच १३९.० फूट उंच आहे. या धरणाची पाणी साठवण्याची एकूण क्षमता ०.२४ किमी म्हणजेच ०.०५८ घन मैल एवढी आहे. पवना धरणाच्या बॅकवॉटरने एक जलाशय तयार केला. त्याच जलाशयाला नंतर पवना लेक म्हणून ओळखलं जायला लागलं. (Pawna Lake)
(हेही वाचा – हिंदूंनी हलाल सर्टिफिकेशन असलेल्या वस्तूंवर बहिष्कार टाकावा; भाजपा खासदार Anil Bonde यांचे आवाहन)
पवना लेकची भौगोलिक स्थिती
पश्चिम घाटातल्या पवना लेकचं भौगोलिक स्थान हे वनस्पती आणि प्राण्यांसाठी एक नैसर्गिक हॉट स्पॉट आहे. पवना धरणाचं कामकाज हे पिंपरी चिंचवड महानगरपालिका पाहते. पवना धरण बांधण्यामागचा मुख्य उद्देश म्हणजे जलविद्युत निर्मिती आणि पाणीपुरवठा करणं हा आहे. पवना जलविद्युत प्रकल्प आणि बहुउद्देशीय प्रकल्प पवना धरणावर बांधले गेले आहेत. या प्रकल्पाची वीज निर्मिती क्षमता १२५० मेगावॅट एवढी आहे.
पवना लेकपर्यंत कसं पोहोचायचं?
पवना तलाव लोणावळ्यापासून जवळ आहे. म्हणून लोणावळ्याहून इथे सहज पोहोचता येतं. लोणावळा रेल्वे स्टेशनपासून पवना लेक कॅम्पिंग साईट ही फक्त २० किलोमीटर एवढ्या अंतरावर आहे. इथे पोहोचण्यासाठी सर्वात सोपा मार्ग म्हणजे लोणावळा इथून टॅक्सी किंवा कॅब भाड्याने घेणे होय.
पुणे, लोणावळा आणि मुंबईपासून पवना लेकपर्यंत रस्ते चांगल्या स्थितीत जोडलेले आहेत. मुंबई-पुणे एक्सप्रेस वेच्या जवळ असलेलं कामशेत हे शहर, कॅम्प साईटपासून फक्त ३५ किलोमीटर एवढ्या अंतरावर आहे. या गावातून पवना लेकपर्यंत पोहोचण्यासाठी अनेक वाहतूक सुविधा उपलब्ध आहेत. रेल्वेने इथे यायचं असेल तर सर्वांत जवळचं रेल्वे स्थानक लोणावळा हे आहे. लोणावळ्याहून इथे प्रायव्हेट टॅक्सी किंवा कॅबने पोहोचता येतं. लोणावळ्या जवळचा रेल्वे मार्ग खूपच निसर्गरम्य आहे. (Pawna Lake)
(हेही वाचा – bhandardara camping : भंडारदरा इथे भेट देण्यासाठी सर्वोत्तम काळ कोणता?)
पवना वरचं वाढतं पर्यटन
अलिकडच्या काळात पवना लेक आणि तलावाच्या आसपासच्या भागामध्ये पर्यटनाचा झपाट्याने विकास झाला आहे. याचं कारण म्हणजे इथली जलसंपदा होय. तसंच लोणावळा हे हिल स्टेशन लोहगड, तिकोना आणि तुंग यांसारख्या किल्ल्यांच्या जवळ आहे. पवना भोवती वेगवेगळे कॅम्पिंग-साईट व्यवसाय सुरू झाले आहेत. त्याचप्रमाणे कृषी आणि पर्यटन व्यवसायही भरभराटीला आले आहेत. पवना लेक हा प्रामुख्याने पुणे आणि मुंबई या दोन प्रमुख शहरांमधून येणाऱ्या पर्यटकांना आकर्षित करतो. दर आठवड्याला या दोन्ही शहरांमधून सुमारे ४,००० पर्यटक पवना लेक कॅम्प साईटला भेट देतात.
हेही पहा –
Join Our WhatsApp Community