वांद्रे हे महाराष्ट्रातल्या मुंबई इथे असलेलं एक उपनगर आहे. हे क्षेत्र मिठी नदीच्या उत्तरेला स्थित आहे. वांद्रे हे मुंबई शहर आणि पुण्यानंतर हे महाराष्ट्रातलं तिसरं सर्वांत मोठे व्यावसायिक केंद्र आहे. प्रामुख्याने वांद्रे-कुर्ला कॉम्प्लेक्सचा यात मोठा वाटा आहे. (bandra station)
१ जुलै १९२४ साली खार रोड हे रेल्वे स्टेशन सुरू झालं. त्यापूर्वी वांद्रे हा एक मोठा परिसर होता. त्या परिसरात सध्याचा खार परिसरही समाविष्ट होता. एका रेल्वे स्टेशनद्वारे सेवा देणारं हे खूप मोठं उपनगर मानलं जात होतं. कालांतराने वांद्र्याच्या उत्तरेकडच्या परिसराला पश्चिम रेल्वे मार्गाशी जवळून जोडण्यासाठी एका रेल्वे स्थानकाची स्थापना करण्यात आली. त्यामुळे खार रोड हे एक वेगळं उपनगर मानलं गेलं. आजतागायत ही दोन्ही संलग्न असलेली उपनगरे एकच एकसंध झोन बनवतात. वांद्रे इथे अनेक प्रमुख रहिवासी सेलिब्रिटी किंवा व्हीआयपी राहतात, जे बॉलिवूड, मीडिया, क्रिकेट आणि राजकारणात सक्रिय आहेत. (bandra station)
(हेही वाचा – बँकॉक येथून मुंबईत Drugs तस्करीसाठी भारतीय महिलांचा वापर)
वांद्रे इथली शहरी कला
वांद्रे येथे स्ट्रीट आर्ट किंवा ग्राफिटीचा मोठा संग्रह आहे. भिंतींवरची चित्रं प्रामुख्याने चॅपल रोड आणि वेरोनिका स्ट्रीटच्या परिसरात आहेत. पण बँडस्टँड आणि माउंट मेरीच्या चर्चजवळही प्रमुख कलाकृती आढळून येतात. त्यांमध्ये वेगवेगळ्या प्रकारच्या ग्राफिटी आहेत. ज्यांत तुकडे, स्टेन्सिल, टॅग इत्यादींचा समावेश आहे. गोमेझ सारख्या जागतिक स्तरावर प्रसिद्ध असलेल्या कलाकारांनी वांद्रे इथल्या भिंतींवर कलाकृती तयार केल्या आहेत. (bandra station)
सेंट+आर्ट मुंबई, बॉलीवूड आर्ट प्रोजेक्ट आणि धारावी आर्ट रूम या काही संस्था आहेत, ज्या कलाकारांना प्रोत्साहन देण्यासाठी विविध कार्यक्रम आयोजित करतात. या कार्यक्रमांना बृहन्मुंबई महानगरपालिकेकडून पाठिंबा मिळतो. वांद्रे येथे वांद्रे रिक्लेमेशन इथल्या एमटीएनएल च्या इमारतीवर दादासाहेब फाळके यांचं ३७X४६ मीटर एवढं मोठं पोर्ट्रेट देखील होतं. (bandra station)
२०१४ साली सेंट+आर्ट मुंबई महोत्सवाचा भाग म्हणून रणजित दहिया , यंत्र, मुनीर बुखारी आणि नीलेश खराडे यांच्यासह इतर अनेक कलाकारांनी हे चित्र तयार केले होते. महानायक अमिताभ बच्चन आणि पियुष पांडे यांनी या भित्तीचित्राचं अधिकृतपणे अनावरण केलं होतं. पण या इमारतीला पुन्हा रंगवण्यात आलं आहे. हे आशियातलं सर्वांत मोठं भित्तीचित्र असल्याचं म्हटलं जाते. (bandra station)
हेही पहा –
Join Our WhatsApp Community