Brahmos Missile युनिटचे राजनाथ सिंह यांच्या हस्ते उद्घाटन ; भारताची ताकद आणखी वाढणार !

भारतीय लष्कराने दहशतवादाविरुद्ध ऑपरेशन सिंदूर सुरू केले. ज्यामध्ये त्याने ९ दहशतवादी अड्ड्यांवर हल्ला केला. या मोहिमेत जगाने भारताच्या लष्करी शस्त्रांची ताकद पाहिली आहे. आता ही ताकद आणखी वाढवली जाणार आहे. आता पुढच्या पिढीतील सुपरसॉनिक क्रूझ क्षेपणास्त्र ब्रह्मोस (Brahmos Missile) उत्तर प्रदेशात बनवले जात आहे. याचे संरक्षण मंत्री राजनाथ सिंह यांनी ऑनलाइन उद्घाटन केले. यावेळी त्यांनी पाकिस्तानला इशारा देत म्हटले की, आता दहशतवादी सीमेपलीकडेही सुरक्षित नाहीत. आम्ही हे जगाला दाखवून दिले आहे. (Brahmos Missile)

‘ब्रह्मोस’ अपने आप में एक ‘मैसेज’ है। pic.twitter.com/3Rh9ZbT5Gh

— Rajnath Singh (@rajnathsingh) May 11, 2025

उत्तर प्रदेशातील कोणत्या शहरात ब्रह्मोस क्षेपणास्त्रे बनवली जातील?
सुपरसॉनिक क्रूझ क्षेपणास्त्र ब्रह्मोस नेक्स्ट जनरेशन (एनजी) तयार करण्यासाठी उत्तर प्रदेशातील लखनउ येथे एक उत्पादन युनिट स्थापन करण्यात आले आहे. हे युनिट बांधण्यासाठी तीन वर्षे लागली आणि त्यासाठी सुमारे ३०० कोटी रुपये खर्च आला. हे क्षेपणास्त्र जमीन, हवा आणि समुद्रातून डागता येते आणि ‘फायर अँड फॉरगेट’ या तत्त्वावर काम करते, ज्यामुळे ते शत्रूच्या रडारपासून वाचू शकते आणि लक्ष्यावर अचूकपणे मारा करू शकते. (Brahmos Missile)

ब्रह्मोस क्षेपणास्त्राचा वेग
सुपरसॉनिक क्रूझ ब्रह्मोस क्षेपणास्त्र अंदाजे मॅक २.८ ते मॅक ३.० (ध्वनीच्या वेगाच्या सुमारे ३ पट, म्हणजे सुमारे ३,७०० ते ४,००० किमी/तास) वेगाने लक्ष्याकडे प्रवास करते. (Brahmos Missile)

क्षेपणास्त्राचे वजन किती असेल?
भारतात बनवल्या जाणाऱ्या ब्रह्मोस क्षेपणास्त्राचे वजन लक्षणीयरीत्या कमी होईल. सध्या, ब्रह्मोस क्षेपणास्त्राचे वजन २९०० किलो आहे तर भारतात बनवल्या जाणाऱ्या पुढील पिढीच्या ब्रह्मोसचे वजन १२६० किलो असेल. त्याची रेंज ३०० किमी असेल. (Brahmos Missile)

दरवर्षी किती क्षेपणास्त्रे तयार केली जातील?
या क्षेपणास्त्राची मारा क्षमता देखील ३०० किलोमीटर आहे. कमी वजनामुळे सुखोई विमानात एकाच ठिकाणी पाच क्षेपणास्त्रे लोड करता येतील. सध्या दरवर्षी ८०-१०० क्षेपणास्त्रे तयार केली जातील. पुढील वर्षापासून १०० ते १५० एनजी क्षेपणास्त्रे तयार होतील. सध्या ब्रह्मोस क्षेपणास्त्राचे उत्पादन तिरुअनंतपुरम, नागपूर, हैदराबाद आणि पिलानी येथे केले जात आहे, परंतु आता ते लखनऊमध्ये देखील तयार केले जाईल. लखनौ युनिटची सर्वात खास गोष्ट म्हणजे येथे फक्त एनजी तंत्रज्ञानासह ब्रह्मोस क्षेपणास्त्र तयार केले जाईल. (Brahmos Missile)

हेही पहा-