इराण-इस्रायलचा संघर्ष (Iran-Israel conflict) हा मागील सहा दिवसांपासून आणखी तीव्र होत चालला आहे. या संघर्षात आंतरराष्ट्रीय अणुऊर्जा संस्थेने (IAEA) दिलेल्या माहितीनुसार, इस्रायलने बुधवारी 18 जूनला इराणवर शक्तिशाली हवाई हल्ले (Air strike) केल्याने तेहरान आणि त्याच्या आसपासच्या अणु प्रकल्पातील दोन सेंट्रिफ्यूज उत्पादन सुविधांसह प्रमुख लष्करी पायाभूत सुविधांचे मोठे नुकसान झाले आहे. यामुळे प्रादेशिक युद्धाची भीती निर्माण झाली आहे. (Iran-Israel conflict)
(हेही वाचा – Shiv Sena चा शक्ती-संग्राम; उद्धवांची षण्मुखानंदात सभा, शिंदेंची वरळीत तोफ धडाडणार)
“गुप्तचर शाखेच्या अचूक मार्गदर्शनाखाली, गेल्या काही तासांत ५० हून अधिक हवाई दलाच्या लढाऊ विमानांनी तेहरान परिसरातील लष्करी लक्ष्यांवर हल्ले केले आहेत” तसेच “इस्रायली लष्कराने मंगळवारी रात्री इराणच्या सेंट्रिफ्यूज उत्पादन स्थळावर आणि अनेक शस्त्रास्त्र उत्पादन स्थळांवर हल्ला केला,” असे इस्रायलच्या सैन्याने एका निवेदनात म्हटले आहे. या ऑपरेशनमध्ये ५० हून अधिक लढाऊ विमानांचा समावेश होता.
The IAEA has information that two centrifuge production facilities in Iran, the TESA Karaj workshop and the Tehran Research Center, were hit. Both sites were previously under IAEA monitoring and verification as part of the JCPOA.
— IAEA – International Atomic Energy Agency ⚛️ (@iaeaorg) June 18, 2025
तसेच इस्रायली संरक्षण दलाने म्हटले आहे की, “ज्या सेंट्रिफ्यूज साइटवर हल्ला केला, त्या सेंट्रिफ्यूजमुळे इराणच्या अण्वस्त्रांसाठी युरेनियम समृद्धीकरण क्षमतेला गती मिळणार होती. इराण सरकार अण्वस्त्रे विकसित करण्यासाठी बनवलेल्या युरेनियमचे समृद्धीकरण करत आहे.”
(हेही वाचा – Mantralaya : उपमुख्यमंत्री कार्यालयातील एसी बंद; कर्मचाऱ्यांचा घामाघूम संघर्ष)
सेंट्रिफ्यूज म्हणजे काय?
नाजूक आणि हाय-स्पीड स्पिनिंग डिव्हाइसेस असलेले युरेनियम समृद्ध करण्यासाठी वापरले जातात. या उत्पादन सुविधांना नुकसान पोहोचवल्याने इराणच्या भविष्यातील युरेनियम समृद्धीकरण वाढविण्याच्या क्षमतेला गंभीरपणे बाधा पोहोचू शकते.
इस्रायली हल्ल्यात नुकसान झाले असले तरी, इराणच्या कार्यरत समृद्धीकरण सुविधा अंशतः कार्यरत आहेत. आंतरराष्ट्रीय अणुऊर्जा संस्थेनुसार, इराणने अलीकडेच १६६.६ किलो ६०% समृद्ध युरेनियम तयार केले आहे, त्यामध्ये आणखी शुद्धीकरण केल्यास ते चार अणुबॉम्बसाठी पुरेसे आहे.
हेही पहा –
Join Our WhatsApp Community