Saquib Nachan ने तयार केलेले स्लिपर सेल सक्रिय; राज्यात मोठ्या कटाची सुरू होती मांडणी

• प्रतिनिधी 

‘स्टुडंट्स इस्लामिक मूव्हमेंट ऑफ इंडिया’ (सिमी) भारतात बंदी असलेल्या या संघटनेचा महाराष्ट्रातील गड म्हणून ओळखल्या जाणाऱ्या ठाणे जिल्ह्यातील पडघा – बोरिवली या गावात महाराष्ट्र दहशतवाद विरोधी पथक (एटीएस) सोमवारी पहाटे केलेल्या शोध मोहिमेदरम्यान एटीएसच्या हाती काही महत्त्वाचे पुरावे आणि माहिती समोर आली आहे. सिमी या संघटनेचा नेता साकीब नाचन (Saquib Nachan) हा मागील दीड वर्षांपासून दिल्लीच्या तुरुंगात असला तरी त्याने तयार केलेले ‘स्लिपर सेल’ सक्रिय झाले होते. हे स्लिपर सेल इसिसच्या पाकिस्तानस्थित नेत्याच्या संपर्कात होते आणि राज्यात मोठा घातपात करण्याचा कट शिजत होता असा संशय तपास यंत्रणेकडून व्यक्त केला जात आहे. (Saquib Nachan)

महाराष्ट्र एटीएसने २२ स्लिपर सेलची माहिती मिळवून त्यांच्या पडघा – बोरिवलीतील निवासस्थानी सोमवारी छापे टाकले होते. २२ जणांपैकी १२ जणांना ताब्यात घेण्यात आलेले असून पाच जण हज यात्रेसाठी गेलेले असून पाच जण फरार असल्याची माहिती एटीएसच्या सूत्रांनी दिली आहे. सिमी संघटनेवर बंदी आणल्यानंतर साकीब नाचन (Saquib Nachan) हा ‘इस्लामिक स्टेट ऑफ इराक अँड सीरिया’ अर्थात ‘इसिस’ या दहशतवादी संघटेचा महाराष्ट्र मॉड्युलचा प्रमुख बनला होता. सोमवारी पहाटे ४ वाजता टाकण्यात आलेल्या छाप्यांचे मुख्य लक्ष्य संशयित दहशतवादी साकिब नाचनच्या कुटुंबातील सदस्यांचे निवासस्थाने होत. (Saquib Nachan)

(हेही वाचा – NIA : पुन्हा एकदा पडघा तपास यंत्रणेच्या रडारवर; ९ तास सुरू होते सर्चिंग ऑपरेशन, महाराष्ट्रात होता घातपाताचा कट)

सूत्रांनी सांगितले की, ज्या ठिकाणांवर छापे टाकण्यात आले आहेत असे सुमारे अर्धा डझन संशयित सौदी अरेबियात हजसाठी गेले आहेत. यामध्ये बोरिवली गावातील जमीन एजंट ६० वर्षीय फाराक झुबेर मुल्ला यांचा समावेश आहे. जो सिमीचा कथित सदस्य देखील आहे. त्याचा मोठा भाऊ हसीब मुल्ला २००२-०३ च्या मुंबई ट्रेन बॉम्बस्फोट प्रकरणात होता आणि नंतर त्याला दोषी ठरवण्यात आले आणि १० वर्षांचा तुरुंगवास भोगावा लागला. डिसेंबर २०२३ मध्ये दिल्ली इसिस मॉड्यूल प्रकरणात अटक केलेल्या फरहान सुसेचा जवळचा मित्र असल्याने अब्दुल लतीफ कासकरच्या घराचीही झडती घेण्यात आली, अशी माहिती सूत्रांनी दिली. एटीएसने कल्याण परिसरातील एका संशयिताच्या घरावरही छापा टाकला, परंतु तो तिथे सापडला नाही. एटीएसने शोध मोहीम राबवली असताना, ठाणे ग्रामीण पोलिसांनी पडघा येथील बोरिवली गावात मोठा सुरक्षा बंदोबस्त ठेवला. कायदा आणि सुव्यवस्था राखण्यासाठी शेजारच्या जिल्ह्यांतील दंगल नियंत्रण पोलिसांच्या (आरसीपी) तुकड्यांसह अतिरिक्त सुरक्षा कर्मचाऱ्यांना सुरक्षा बंदोबस्तासाठी पाचारण करण्यात आले. शोधमोहीम सुरू असताना जिल्हा पोलिस अधीक्षक डी. स्वामी आणि एटीएसचे डीसीपी एस. साईल पडघा येथे उपस्थित होते. (Saquib Nachan)

२२ एप्रिल रोजी जम्मू आणि काश्मीरच्या पहलगाम येथे पर्यटकांवर झालेल्या दहशतवादी हल्ल्यानंतर, देशविरोधी घटक आणि अशा घटकांना पाठिंबा देणाऱ्यांविरुद्ध व्यापक प्रतिबंधात्मक कारवाईचा भाग म्हणून हे शोध घेण्यात आल्याचा दावा एटीएसने केला आहे. एटीएसच्या म्हणण्यानुसार, बंदी घातलेल्या स्टुडंट्स इस्लामिक मूव्हमेंट ऑफ इंडिया (सिमी) चा माजी पदाधिकारी आणि आयसिस महाराष्ट्र मॉड्यूल प्रकरणातील प्रमुख आरोपी साकीब अब्दुल हमीद नाचन (Saquib Nachan) यांचे काही कट्टरपंथी घटक आणि समर्थक सक्रिय झाले आहेत आणि देशविरोधी कारवाया करण्याची योजना आखत असल्याची माहिती मिळाल्यानंतर शोध मोहीम सुरू करण्यात आली. शोध मोहिमेदरम्यान जप्त केलेल्या प्राणघातक शस्त्रांप्रकरणी पोलिस दोन लोकांवर गुन्हा दाखल करण्याची प्रक्रिया सुरू आहे. जप्त केलेले साहित्य फॉरेन्सिक विश्लेषणासाठी पाठवण्यात आले आहे आणि एटीएस सध्या कथित कटाची व्याप्ती निश्चित करण्यासाठी सविस्तर चौकशी करत आहे. (Saquib Nachan)

हेही पहा –