पुणे पोलिसांनी खराडी येथील प्राइड आयकॉन इमारतीच्या नवव्या मजल्यावर चालणाऱ्या बनावट कॉल सेंटरचा पर्दाफाश केला आहे. केंद्रीय गृह मंत्रालयाला मिळालेल्या आंतरराष्ट्रीय तक्रारीच्या आधारे ही कारवाई करण्यात आली. मंत्रालयाच्या सूचनेनुसार, पुणे सायबर पोलीस (Pune Cyber Police), गुन्हे शाखा आणि स्थानिक पोलिसांच्या मदतीने संयुक्तपणे हा छापा टाकण्यात आला. (Fake call center)
(हेही वाचा – महाराष्ट्राची अर्थव्यवस्था 2030 पर्यंत 1 ट्रिलियन डॉलर्सची करण्याचे उद्दिष्ट : CM Devendra Fadnavis)
या छाप्यादरम्यान पाच आरोपींना अटक करण्यात आली आहे, तर दोन अजूनही फरार आहेत. या प्रकरणात पोलिसांनी एकूण १२३ जणांविरुद्ध एफआयआर दाखल केला आहे, जे कॉल सेंटरमध्ये (Call Center) वेगवेगळ्या भूमिकांमध्ये काम करत होते.
सह पोलीस आयुक्त रंजन कुमार शर्मा म्हणाले की, या बनावट कॉल सेंटरने परदेशी नागरिकांना लक्ष्य केले होते. आरोपींवर “डिजिटल अरेस्ट” (Digital Arrest) ची धमकी देऊन पैसे उकळल्याचा आरोप आहे. पोलिसांनी घटनास्थळावरून ४१ मोबाईल फोन आणि ६२ लॅपटॉप जप्त केले आहेत, जे ब्लॅकमेलिंग आणि फसवणूकीसाठी वापरले जात होते.
(हेही वाचा – नाशिकच्या पालकमंत्री पदाचा तिढा लवकरच सुटणार ; Chandrashekhar Bawankule यांच विधान)
सूत्रांनी दिलेल्या माहितीनुसार, अटक केलेले आरोपी प्रामुख्याने गुजरातचे आहेत, तर काही आरोपी महाराष्ट्राचेही असू शकतात. करण शेखावत हा या प्रकरणाचा मास्टरमाइंड असल्याचे म्हटले जाते. हे कॉल सेंटर गेल्या तीन महिन्यांपासून ‘मॅग्नेटल बीपीएल अँड कन्सल्टन्सी’ या नावाने सुरू होते. सध्या, सर्व १२३ कर्मचाऱ्यांची चौकशी केली जात आहे आणि या आंतरराष्ट्रीय फसवणूक टोळीचे सक्रिय भाग कोण होते हे शोधण्याचा प्रयत्न पोलीस करत आहेत.
हेही पहा –
Join Our WhatsApp Community