-
प्रतिनिधी
गुन्हे शाखेकडून तपास सुरू असलेल्या २४५ कोटी रुपयांच्या १२६ किलो अमली पदार्थांच्या तस्करी प्रकरणात सीबीआयने (CBI) इंटरपोलच्या माध्यमातून शुक्रवारी ड्रग्ज तस्कर ताहिर सलीम डोला याला युएईतून हद्दपार केले आहे. गेल्या वर्षी मुंबई पोलिसात दाखल झालेल्या एका गुन्ह्यात डोला हा हवा होता, त्याच्याविरुद्ध इंटरपोलने रेड नोटीस जारी केली होती.
(हेही वाचा – CM Devendra Fadnavis : मुख्यमंत्र्यांचा जन्मदिवस देशी गोवंश संवर्धन दिवस म्हणुन साजरा होणार ; महायुती सरकारचा निर्णय)
सीबीआयने (CBI) इंटरपोल आणि अबू धाबीच्या एनसीबीशी सहकार्य करून बारकाईने देखरेखीद्वारे डोलाला युएईमध्ये भौगोलिक स्थान दिले आणि त्याच्या हद्दपारीसाठी कायदेशीर कारवाई सुरू केली, असे सीबीआयच्या एका प्रेस रिलीजमध्ये म्हटले आहे. महाराष्ट्रातील सांगली जिल्ह्यात डोला हा सिंथेटिक ड्रग्ज बनवण्याचा कारखाना चालवत होता.
(हेही वाचा – IDF : इस्त्रायली सुरक्षा दलाकडून भारताचा चुकीचा नकाशा पोस्ट, चूक कळताच मागितली माफी)
तपासादरम्यान पोलिसांना असे आढळून आले की, डोला परदेशातून तस्करीचे काम करत होता. जानेवारीमध्ये अबू धाबी अँटी ड्रग्ज युनिटने डोलाला युएईमध्ये अटक केली आणि त्यानंतर मुंबई पोलिसांनी गृह मंत्रालयामार्फत युएईला हद्दपारीची विनंती पाठवली. यापूर्वी, मुंबई पोलिसांनी काळबादेवी येथील एका हवाला ऑपरेटरला आणि या प्रकरणातील ड्रग्ज सिंडिकेटचा वित्तपुरवठा करणारा प्रमुख आरोपी प्रवीण शिंदे याच्यासह ११ जणांना अटक केली. (CBI)
हेही पहा –
Join Our WhatsApp Community