Jyoti Malhotra : हेरगिरीच्या आरोपाखाली अटक करण्यात आलेल्या हरियाणामधील हिस्सारच्या युट्यूबर ज्योती मल्होत्राबाबत एक मोठा खुलासा झाला आहे. ज्योती मल्होत्राच्या मोबाईल फोनवरून असे दिसून येते की, ती पाकिस्तानातील प्रसिद्ध युट्यूबर झीशान हुसेनच्या (Pak YouTuber Zeeshan Hussain) सतत संपर्कात होती. ज्योती झीशानसोबत लष्करी कारवाईत गुडघे टेकलेल्या पाकची चांगली प्रतिमा निर्माण करण्यासाठी काम करत होती. (Jyoti Malhotra)
(हेही वाचा – PM Modi Mann Ki Baat : ऑपरेशन सिंदूरचे कौतुक, दहशतवाद संपवण्याचा केला निर्धार)
ज्योती काय करत होती?
ज्योती मल्होत्रा झीशान आणि इतर अनेक पाकिस्तानी युट्यूबर्सच्या संपर्कात होती. २ महिन्यांपूर्वी, जेव्हा ज्योती मल्होत्रा धार्मिक व्हिसावर पाकिस्तानला गेली होती, तेव्हा तिने तिथे झीशानला मेसेज केला. ज्योती मल्होत्रा यांना भेटण्यासाठी जीशान कटशराज मंदिरात आला होता. दोघांनीही आपापल्या यूट्यूब पेजवर पाकिस्तानचे कौतुक केले होते.
यूट्यूब व्हिडीओमध्ये पाकिस्तानमधील प्राचीन मंदिरे आणि हिंदूंची किती काळजी घेतली जाते हे दाखवण्याचा प्रयत्न दोघांनीही केला, तर संपूर्ण जगाला माहिती आहे की पाकिस्तानमध्ये हिंदू आणि हिंदू मंदिरांचे काय केले जात आहे. झीशानने त्याच्या व्हिडिओमध्ये ज्योती मल्होत्रा बद्दल म्हटले आहे की, ज्योती केवळ भारताचीच नाही तर पाकिस्तानचीही राजदूत आहे, जी पाकिस्तान आणि भारतातील लाहोरबद्दल चांगली माहिती देत होती.
झीशान हा लाहोरचा एक प्रसिद्ध युट्यूबर आहे. अटारी सीमा आणि सीमेवरील तैनातीबद्दल ज्योतीने झीशानला काही माहिती दिली होती का, याचा तपास केला जात आहे. अली हसनच्या माध्यमातून ज्योती ज्या दोन पाकिस्तानी कार्यकर्त्यांना भेटली होती त्यांच्या बैठकीला झीशान देखील आला होता का, याचीही चौकशी केली जात आहे. झीशानसह, पाकिस्तानच्या गुप्तचर संस्थेला आणि त्यांच्या कार्यकर्त्यांना महत्त्वाची माहिती देत होती. असा संशय ज्योती मल्होत्राबद्दल आहे.
(हेही वाचा – Kedarnath Dham Yatra 2025 : केदारनाथ यात्रेत तैनात असलेल्या पीआरडी जवानांना मिळाला २० लाखांचा विमा आणि अन्य सुविधा)
ज्योती मल्होत्रा ही एक ट्रॅव्हल युट्यूबर आहे आणि तिच्यावर पाकिस्तानसाठी हेरगिरी केल्याचा आरोप आहे. गेल्या काही दिवसांपासून देशभर याबद्दल चर्चा सुरू आहे.
हेही पहा –
Join Our WhatsApp Community