छत्तीसगडच्या ‘Operation Kagar’ मध्ये मारल्या गेलेल्या सर्व २७ नक्षलवाद्यांची ओळख पटली: नावे, बक्षिसे आणि इतर तपशील वाचा…

Operation Kagar : छत्तीसगडमधील नारायणपूर जिल्ह्यातील अबुझमदच्या जंगली (Abuzmad forest Encounter) भागात डाव्या विचारसरणीच्या अतिरेक्यांविरुद्ध या वर्षी मोहीम चालविण्यात आली. या मोहिमेला ‘ऑपरेशन कागर’ असे नाव देण्यात आले. या मोहिमेचा भाग म्हणून सुरक्षा दल आणि नक्षलवाद्यांमध्ये (Naxalites) झालेल्या चकमकीत २१ मे रोजी एकूण २७ नक्षलवादी ठार झाले. या मोहिमेत २०,००० सैनिकांचा समावेश होता आणि छत्तीसगड पोलिसांच्या तुकड्यांसह केंद्रीय राखीव पोलीस दल (CRPF) ने त्याचे नेतृत्व केले. सुरक्षा दलांनी त्यांच्या ताब्यातून मोठ्या प्रमाणात स्फोटके, शस्त्रे बनवण्याचे कारखाने आणि अतिरेक्यांच्या इतर रसदविषयक वस्तू देखील जप्त केल्या आहेत. (Operation Kagar)

(हेही वाचा – Beed Crime : बीड पुन्हा हादरलं ! पवनचक्की प्रकल्पाच्या साईटवर गोळीबार; एकाचा मृत्यू)

एका वरिष्ठ पोलीस अधिकाऱ्याने दिलेल्या माहितीनुसार, चकमकीत मारले गेलेले नक्षलवादी हे राज्यातील ३.३३ कोटी रुपयांचे बक्षीस असलेले भयानक नक्षलवादी होते. या कारवाईदरम्यान, सुरक्षा दलांनी बंदी घातलेल्या कम्युनिस्ट पक्षाच्या (माओवादी) सरचिटणीस नंबला केशव राव उर्फ ​​बसवराजू यालाही ठार मारण्यात आले. 

सीआरपीएफचे महासंचालक (डीजी) जीपी सिंह १९ एप्रिलपासून राज्यात रायपूर आणि जगदलपूर येथे तळ ठोकून होते आणि अधिकाऱ्यांनी दिलेल्या माहितीनुसार, त्यांनी कारेगुट्टा टेकड्यांसह ऑपरेशन क्षेत्राला भेट दिली होती. तसेच अधिकाऱ्यांनी जाहीर केलेल्या यादीत आता ठार झालेल्या सर्व २७ नक्षलवाद्यांची नावे आणि तपशील उघड झाले आहेत. उघड झालेल्या माहितीवर एक नजर टाकूया.

ऑपरेशन कागर बद्दल माहिती जाणून  घ्या… 
‘ऑपरेशन कागर’, हे अभियान १९ मे (सोमवार) रोजी छत्तीसगड पोलिसांच्या संयुक्त जिल्हा राखीव रक्षक (डीआरजी) पथक, तसेच विशेष कार्य दल (STF) आणि केंद्रीय राखीव पोलीस दल (CRPF) यांच्या पाठिंब्याने सुरू केले. नक्षलवाद्यांशी झालेल्या ५० तासांच्या मोठ्या चकमकीत या मोहिमेचा शेवट झाला.

(हेही वाचा – Waqf वरील सुनावणीत हिंदू-मुस्लिम धर्मावर वादविवाद; सर्वोच्च न्यायालयाने निर्णय राखून ठेवत म्हणाले, वक्फच्या मालमत्तांची नोंदणी अनिवार्यच  )

छत्तीसगडमधील नारायणपूर, विजापूर आणि दंतेवाडा या खडकाळ, जंगली त्रिकोणी जंक्शनमध्ये वरिष्ठ माओवादी कमांडरच्या हालचालींवर मागील काही आठवड्यापासून गुप्त माहिती गोळा करण्यात येत होती. त्यानंतर ही कारवाई करण्यात आली. दरम्यान, पंतप्रधान नरेंद्र मोदी यांनी नक्षलवाद्यांना संपवण्यासाठी सर्वात मोठी कारवाई यशस्वीरित्या पार पाडल्याबद्दल सर्वच भारतीय सुरक्षा दलांच्या प्रयत्नांचे कौतुक केले.

हेही पहा –