Manipur : मणिपूरच्या चुराचंदपूर आणि इंफाळ पूर्व (Imphal East) जिल्ह्यांमध्ये वेगवेगळ्या कारवाईत तीन अल्पवयीन मुलांसह पाच दहशतवाद्यांना अटक (Terrorists arrested) करण्यात आली आहे. बुधवारी याबाबत माहिती देताना पोलिसांनी सांगितले की, मंगळवारी चुराचंदपूरच्या बेथेल परिसरातून एका १९ वर्षीय तरुणाला अटक करण्यात आले आहे. तसेच ३ अल्पवयीन मुलांनाही ताब्यात घेण्यात आले आहे. एका पोलीस अधिकाऱ्याने सांगितले की, हे सर्वजण ‘युनायटेड कुकी नॅशनल आर्मी’ (United Kuki National Army) म्हणजेच यूकेएनए या बंदी घातलेल्या संघटनेशी संबंधित आहेत. स्थानिक व्यावसायिकांकडून खंडणी, ड्रग्ज आणि शस्त्रास्त्रांची तस्करी यात त्यांचा सहभाग असल्याचा आरोप आहे, असे त्यांनी सांगितले. (Manipur)
दहशतवाद्यांकडून शस्त्रे आणि दारूगोळा जप्त
अटक केलेल्या दहशतवाद्यांकडून दोन पिस्तूल जप्त करण्यात आल्याचे अधिकाऱ्याने सांगितले. तसेच दुसऱ्या एका कारवाईत, मंगळवारी इम्फाळ पूर्वेतील ‘ओल्ड मॉडर्न कॉलेज गेट’ येथून बंदी घातलेल्या कांगलेईपाक कम्युनिस्ट पार्टी (Kangleipak Communist Party) या संघटनेच्या सदस्याला अटक करण्यात आली. पोलिसांनी सांगितले की तो सामान्य लोक, स्थानिक व्यापारी आणि सरकारी अधिकाऱ्यांकडून खंडणी वसूल करण्यात सहभागी होता. अटक केलेल्या दहशतवाद्यांकडून १० हातबॉम्ब आणि इतर वस्तू जप्त करण्यात आल्या आहेत.
(हेही वाचा – Cyber Crime : राज्यात सायबर गुन्हेगारांची संख्या वाढली; वर्षभरात सात हजार कोटींची सायबर लूट)
मणिपूरच्या खोऱ्यातील जिल्ह्यांमध्ये अधिक शस्त्रे परत आली
मणिपूरच्या तीन खोऱ्यातील जिल्ह्यांमध्ये, लोकांनी सुरक्षा दलांना १६ प्रकारची शस्त्रे आणि दारूगोळा सुपूर्द केला. २० फेब्रुवारीला राज्याचे राज्यपाल अजय कुमार भल्ला (Governor Ajay Kumar Bhalla) यांनी राज्यातील जनतेला ७ दिवसांच्या आत लुटलेली आणि बेकायदेशीरपणे ठेवलेली शस्त्रे स्वेच्छेने परत करण्याचे आवाहन केले होते आणि त्यांच्यावर कोणतीही दंडात्मक कारवाई केली जाणार नाही असे आश्वासन दिले होते. नंतर, डोंगराळ आणि दरी भागातील लोकांच्या मागणीनुसार त्यांनी ६ मार्च रोजी दुपारी ४ वाजेपर्यंत मुदत वाढवली. राज्यपालांच्या विनंतीवरून, लोकांनी सुरक्षा दलांना मोठ्या प्रमाणात शस्त्रे आणि दारूगोळा सुपूर्द केला आहे.
हेही पाहा –
Join Our WhatsApp Community