पाकिस्तानी फील्ड मार्शल असीम मुनीर (Asim Munir) यांना व्हाईट हाऊसने जेवणासाठी दिलेल्या निमंत्रणामुळे मोठी चर्चा सुरु आहे. अमेरिकेचे राष्ट्राध्यक्ष डोनाल्ड ट्रम्प (Donald Trump) यांनी नुकतेच व्हाईट हाऊसमध्ये (White House) पाकिस्तानचे लष्करप्रमुख जनरल असिम मुनीर यांची भेट घेतली. मे 2025 मध्ये भारत आणि पाकिस्तानदरम्यानच्या लष्करी तणावानंतर ट्रम्प यांनी मुनीर यांची घेतलेली भेट चर्चेचा विषय ठरली आहे.
(हेही वाचा – dr babasaheb ambedkar international airport कोणत्या शहरात आहे? आणि काय आहे या विमानतळाचा इतिहास?)
ट्रम्प यांनी भारत-पाकिस्तानमधील अणुयुद्ध (India Pak War) टाळण्यात महत्त्वाची भूमिका बजावल्याचे मुनीर यांनी म्हटले होते. त्यानंतर ही भेट आयोजित करण्यात आली होती. (operation sindoor) एवढेच नाही, तर मुनीर यांनी ट्रम्प यांना नोबेल शांतता पुरस्कारासाठी नामांकनाची मागणी देखील केली होती.
व्हाईट हाऊसने असीम मुनीर आणि ट्रम्प यांच्या या भेटीची माहिती दिली. दोन्ही अणुशक्ती असलेल्या भारत-पाकिस्तानमधील संभाव्य संघर्ष थांबवण्यात ट्रम्प यांच्या भूमिकेचे कौतुक करणाऱ्या मुनीर यांच्या नोबेलविषयीच्या टिप्पणीची दखल म्हणून ही भेट आयोजित करण्यात आल्याचे सांगितले जाते.
#WATCH | Washington, DC | On his meeting with Pakistan Army Chief Asim Munir, US President Donald Trump says, “… Reason I had him here was I wanted to thank him for not going into the war and ending it… Prime Minister Modi just left a little while ago and we are working a… pic.twitter.com/PN2kfIJvrm
— ANI (@ANI) June 18, 2025
दरम्यान, भारताच्या ठाम भूमिकेनंतरही ट्रम्प यांनी आपल्या हस्तक्षेपाने संकट टळल्याचा दावा केला. पत्रकारांशी बोलताना ट्रम्प म्हणाले की, “भारत आणि पाकिस्तानमध्ये संघर्ष सुरू होता. मी दोन अणुशक्ती संपन्न देशांमधील युद्ध थांबवले.” त्यांनी मोदी आणि मुनीर यांच्या भूमिकेचे कौतुक केले, पण अमेरिकेच्या मुत्सद्देगिरीचा वाटा महत्त्वाचा असल्याचेही नमूद केले. ट्रम्प यांनी भारतासोबत लवकरच व्यापार करार होण्याची शक्यताही व्यक्त केली.
अमेरिकेच्या विद्यमान राष्ट्राध्यक्षांशी प्रत्यक्ष भेट घेणारे असीम मुनीर पहिले लष्करप्रमुख ठरले आहेत. राजकीय पदावर नसताना किंवा मार्शल लॉ अंतर्गत राज्य केलं नसताना पहिल्यांदाच पाकिस्तानी लष्करप्रमुखाचे औपचारिक स्वागत करण्यात आले. यापूर्वी फील्ड मार्शल अयुब खान, जनरल झियाउल हक आणि जनरल परवेझ मुशर्रफ यांसारखे मागील लष्करी शासक अमेरिकेच्या राष्ट्राध्यक्षांना राष्ट्रप्रमुखपदाची भूमिका स्वीकारल्यानंतरच भेटले होते. तत्कालीन लष्करप्रमुख जनरल अशफाक परवेझ कयानी यांच्यासोबत व्हाईट हाऊसमध्ये झालेल्या बैठकीत बराक ओबामा थोडक्यात “वॉक इन” झाले होते, परंतु तेही औपचारिक सहभाग नव्हते. नंतर माध्यमांशी संवाद साधताना या भेटीबद्दल विचारले असता ट्रम्प म्हणाले की, आज त्यांना (फील्ड मार्शल मुनीर) भेटण्याचा मला सन्मान मिळाला. (Donald Trump)
हेही पहा –
Join Our WhatsApp Community