ब्रीच कँडी हॉस्पिटल हे मुंबई इथे असलेलं एक खाजगी हॉस्पिटल आहे. हे हॉस्पिटल दक्षिण मुंबईतल्या ब्रीच कँडी नावाच्या परिसरात वसलेलं आहे. हे हॉस्पिटल इथे येणाऱ्या श्रीमंत आणि प्रसिद्ध व्यक्तिमत्त्व असलेल्या रुग्णांसाठी प्रसिद्ध आहे.
(हेही वाचा – Solapur : सयाजीराजे पार्कमध्ये पाळणा तुटला ; प्रसिद्ध LIC उद्योजकाचा मृत्यू)
ब्रीच कँडी हॉस्पिटलचा इतिहास
१९४६ साली दक्षिण मुंबईत असलेल्या ब्रीच कँडी नावाच्या उच्चभ्रू परिसरामध्ये या हॉस्पिटलची (breach candy hospital trust) स्थापना करण्यात आली होती. या हॉस्पिटलची संरचना ब्रिटिश वास्तुविशारद क्लॉड बॅटली याने केली होती. त्यावेळी ते २५ बेड असलेलं नर्सिंग होम म्हणून सुरू करण्यात आलं होतं.
पण आज ब्रीच कँडी हॉस्पिटल हे २२० पेक्षा जास्त बेड असलेलं मल्टी-स्पेशालिटी हॉस्पिटल आहे. या हॉस्पिटलच्या तज्ज्ञांमध्ये भारताच्या वैद्यकीय क्षेत्रातल्या काही प्रतिष्ठित व्यक्तींच्या नावांचा समावेशही आहे. २००५ सालापूर्वी फिरोजशा गोदरेज फाउंडेशनने या हॉस्पिटलच्या फिरोजशा गोदरेज विंग म्हणून ओळखल्या जाणाऱ्या एका शाखेला निधी दिला होता.
ब्रीच कँडी हॉस्पिटलमध्ये उपलब्ध असलेल्या सेवा कोणत्या?
ब्रीच कँडी हॉस्पिटलचं व्यवस्थापन हे ब्रीच कँडी हॉस्पिटलच्या ट्रस्टद्वारे (breach candy hospital trust) पाहिलं जातं. या हॉस्पिटलमध्ये खाली दिलेल्या सर्व विभागातल्या सेवा प्रदान केल्या जातात.
(हेही वाचा – bsc nursing salary : बीएससी नर्सिंग कर्मचार्‍यांना मिळतं पगाराचं उत्तम पॅकेज; चला जाणून घेऊया शिक्षण, पगार आणि सुविधा)
- अ‍ॅनेस्थेसियोलॉजी
- बॅरिएट्रिक सर्व्हिसेस
- ब्लड बँक
- कार्डिओलॉजी आणि ब्रेस्ट शस्त्रक्रिया
- डर्माटोलॉजी
- एंडोक्राइनोलॉजी
- कान, नाक आणि घसा विभाग
- सामान्य शस्त्रक्रिया विभाग
- स्त्रीरोग विभाग
- हेमाथॉलॉजी विभाग
- न्यूरोलॉजी विभाग
- ऑन्कोलॉजी विभाग
- नेत्ररोग विभाग
- बालरोग शस्त्रक्रिया विभाग
- प्लास्टिक सर्जरी विभाग
- मानसोपचार विभाग
- रेडिओलॉजी विभाग
- संधिवात विभाग
- स्लीप लॅबोरेटरी
- युरोलॉजी
- वस्क्युलर सर्जरी
(हेही वाचा – India Tour of England : रिषभ पंतने सांगितलं चौथ्या क्रमांकावर कोण फलंदाजी करणार?)
ब्रीच कँडी हॉस्पिटलमध्ये कित्येक प्रसिद्ध व्यक्ती रुग्ण म्हणून ऍडमिट झाले होते. त्यांपैकी काही व्यक्तींबद्दल पुढे सांगितलेलं आहे :
- भारताचे माजी पंतप्रधान अटल बिहारी वाजपेयी यांच्यावर २००० साली गुडघ्याची शस्त्रक्रिया करण्यात आली होती.
- या हॉस्पिटलमध्ये दाखल झालेले प्रसिद्ध उद्योजक धीरूभाई अंबानी यांनी ६ जुलै २००२ साली मोठा स्ट्रोक आल्यानंतर अखेरचा श्वास घेतला होता.
- महाराष्ट्राचे माजी मुख्यमंत्री विलासराव देशमुख यांना ऑगस्ट २०१२ सालच्या पहिल्या आठवड्यात या हॉस्पिटलमध्ये दाखल करण्यात आलं होतं. त्यांच्या शारीरिक चाचण्यांद्वारे त्यांचे यकृत आणि मूत्रपिंड निकामी झाल्याचे निदान झाले. नंतर त्यांना चेन्नई इथल्या ग्लोबल हॉस्पिटलमध्ये नेण्यात आलं. तिथे १४ ऑगस्ट २०१२ साली त्यांचं निधन झालं.
- समाजसेविका परमेश्वर गोदरेज यांचं ११ ऑक्टोबर २०१६ साली या हॉस्पिटलमध्ये फुफ्फुसाच्या आजारामुळे निधन झालं.
- कोविड-१९ आणि न्यूमोनियाशी दीर्घकाळ झुंज दिल्यानंतर गानकोकिळा लतादीदी मंगेशकर यांचं ६ फेब्रुवारी २०२२ साली निधन झालं. त्यांना ८ जानेवारी २०२२ या दिवशी या हॉस्पिटलमध्ये दाखल करण्यात आलं होतं.
- भारतीय क्रिकेटपटू विराट कोहली आणि अभिनेत्री अनुष्का शर्मा यांची मुलगी वामिका कोहली हिचा जन्म ११ जानेवारी २०२१ या दिवशी याच हॉस्पिटलमध्ये झाला.
- अभिनेत्री नूतन यांचे २१ फेब्रुवारी १९९१ साली स्तनाच्या कर्करोगामुळे इथे निधन झालं.
- या हॉस्पिटलमध्ये अभिनेत्री सारा अली खान हिचा जन्म १२ ऑगस्ट १९९५ साली झाला होता.
- याच हॉस्पिटलमध्ये अभिनेत्री नर्गिस यांचं ३ मे १९८१ साली स्वादुपिंडाच्या कर्करोगामुळे निधन झालं.
- अभिनेता अक्षय कुमार आणि ट्विंकल खन्ना यांची मुलगी नितारा हिचा जन्म २५ सप्टेंबर २०१२ या दिवशी या हॉस्पिटलमध्ये झाला.
- याच हॉस्पिटलमध्ये अभिनेता अजय देवगण आणि अभिनेत्री काजोल यांची मुलगी न्यासा हिचा जन्म २० एप्रिल २००३ साली झाला.
- अब्जाधीश आणि उद्योगपती, स्टॉक व्यापारी आणि गुंतवणूकदार राकेश झुनझुनवाला यांचे १४ ऑगस्ट २०२२ साली इथे निधन झालं.
- शंकर-जयकिशन यांचे भारतीय संगीत दिग्दर्शक जयकिशन दयाभाई पांचाळ यांचं १२ सप्टेंबर १९७१ साली इथे निधन झालं.
- चित्रपट निर्माते रवी चोप्रा यांचं निधन १२ नोव्हेंबर २०१४ साली या हॉस्पिटलमध्ये झालं.
- पार्श्वगायक पंकज उधास यांचे २६ फेब्रुवारी २०२४ या दिवशी वयाशी संबंधित आजारांमुळे या हॉस्पिटलमध्ये निधन झालं.
- प्रसिद्ध भारतीय उद्योगपती रतन टाटा यांचं ९ ऑक्टोबर २०२४ साली वयाशी संबंधित आजारांमुळे ब्रीच कँडी हॉस्पिटलमध्ये निधन झालं.
हेही पहा –
Join Our WhatsApp Community