India Tour of England : भारत विरुद्ध इंग्लंड मालिकेचं थेट प्रसारण कुठल्या वाहिनीवर होणार? कसोटीच्या वेळा कोणत्या?

• ऋजुता लुकतुके

आणखी दोनच दिवसांत भारत विरुद्ध इंग्लंड पहिली कसोटी लीड्स इथं सुरू होणार आहे. या मालिकेबरोबर आयसीसी कसोटी अजिंक्यपदाचं नवीन चक्रही सुरू होणार आहे. भारतीय संघ या मालिकेत शुभमन गिलच्या नेतृत्वाखाली नवीन दमाच्या खेळाडूंसह खेळणार आहे. गिलच्या नेतृत्वाखालील नव्या टीमकडून चाहते मोठ्या कामगिरीची अपेक्षा करत आहेत. दरम्यान, यावेळी कसोटी सामन्यांचे थेट प्रक्षेपण आणि स्ट्रीमिंगचे चॅनल पूर्णपणे बदलण्यात आले आहे. यावेळी चाहते ही मालिका स्टार स्पोर्ट्सवर थेट पाहू शकणार नाहीत. (India Tour of England)

आयपीएल २०२५ चे थेट प्रक्षेपण स्टार स्पोर्ट्स नेटवर्क आणि जिओहॉटस्टारवर केले जात होते, परंतु आता भारत-इंग्लंड कसोटी मालिकेसाठी हे चॅनल बदलले आहे. आता ही कसोटी मालिका सोनी स्पोर्ट्स नेटवर्कवर थेट प्रक्षेपित केली जाईल. तर फोनवर या मालिकेतील सर्व सामन्यांचे थेट प्रक्षेपण चाहत्यांसाठी पूर्वीप्रमाणेच जिओ हॉटस्टार अॅपवर केलं जाईल. (India Tour of England)

(हेही वाचा – तीन हजार रुपयात नवीन FASTag आधारित वार्षिक पास मिळणार ; Nitin Gadkari यांची घोषणा)

शुभमन गिलसाठी हा दौरा खूप खास असणार आहे, कारण तो पहिल्यांदाच कसोटी संघाचे नेतृत्व करत आहे. इंग्लंडच्या खेळपट्ट्यांवर कसोटी मालिका नेहमीच खास मानली जाते आणि चाहत्यांना गिलच्या नेतृत्वाखाली टीम इंडियाकडून मोठ्या अपेक्षा असतात. अशा परिस्थितीत, तरुण कर्णधार रणनीती कशी बनवतो आणि त्यांच्याच भूमीवर इंग्लिश संघाला आव्हान कसे देतो हे पाहणे मनोरंजक असेल. (India Tour of England)

• पहिली कसोटी – २०-२४ जून, २०२५ – हेडिंग्ले, लीड्स
• दुसरी कसोटी – २-६ जुलै, २०२५ – एजबॅस्टन, बर्मिंगहॅम
• तिसरी कसोटी – १०-१४ जुलै, २०२५ – लॉर्ड्स, लंडन
• चौथी कसोटी – २३-२७ जुलै, २०२५ – ओल्ड ट्रॅफर्ड, मँचेस्टर
• पाचवी कसोटी – ३१ जुलै-४ ऑगस्ट २०२५ – द ओव्हल, लंडन

शुभमन गिल (कर्णधार), ऋषभ पंत (उपकर्णधार आणि विकेटकीपर), यशस्वी जयस्वाल, के. एल. राहुल, साई सुदर्शन, अभिमन्यू ईश्वरन, करुण नायर, नितीश कुमार रेड्डी, रवींद्र जडेजा, वॉशिंग्टन सुंदर, शार्दुल ठाकूर, जसप्रीत बुमराह, मोहम्मद सिराज, प्रसिद्ध कृष्णा, आकाश दीप, अर्शदीप सिंग, कुलदीप यादव, ध्रुव जुरेल व हर्षित राणा (India Tour of England)

हेही पहा –