सनातन धर्माला डेंग्यू, मलेरियाची उपमा देणाऱ्या तामिळनाडू (Tamil Nadu) सरकारचा आणखी एक हिंदूद्वेष समोर आला आहे. तमिळनाडूमध्ये सत्ताधारी द्रविड मुन्नेत्र कळघम (DMK) सरकारवर भाजपाने गंभीर आरोप केले आहेत. भाजप आमदार वनथी श्रीनिवासन यांनी आरोप केला आहे की, डीएमके सरकार ऑनलाइन जात प्रमाणपत्रांमधून ‘हिंदू’ हा शब्द काढून टाकत आहे. हे ‘हिंदूविरोधी’ कृत्य आहे.
(हेही वाचा – Tukaram Maharaj Palkhi 2025 : टाळ, मृदुंगाच्या गजरात जगतगुरू तुकाराम महाराजांच्या पालखीचे देहूतून पंढरपूरच्या दिशेने प्रस्थान)
वनथी श्रीनिवासन (Vanathi Srinivasan) यांनी म्हटले आहे की, राज्य सरकार अधिकृत कागदपत्रांमधून, विशेषतः ऑनलाइन जात प्रमाणपत्रांमधून, हिंदुत्वाचे संदर्भ जाणूनबुजून मिटवण्याचा प्रयत्न करत आहे. जातीच्या उल्लेखापूर्वी वापरला जाणारा ‘हिंदू’ हा शब्द आता या कागदपत्रांमध्ये वापरला जात नाही. हे एक हेतुपुरस्सर आणि लक्ष्यित पाऊल आहे. श्रीनिवासन यांनी या बदलाला सत्ताधारी डीएमकेचे ‘हिंदूविरोधी वर्तन’, असे संबोधले.
भाजप नेत्यांनी मुख्यमंत्री एम.के. स्टॅलिन (M. K. Stalin) यांच्यावरही प्रश्नचिन्ह उपस्थित केले. ते हिंदू सणांच्या वेळी कधीच शुभेच्छा का देत नाहीत, असा प्रश्न श्रीनिवासन यांनी उपस्थित केला आहे. हे बहुसंख्यांकांच्या भावनांकडे दुर्लक्ष करण्याचे उदाहरण आहे.
श्रीनिवासन पुढे म्हणाल्या की, हिंदु धर्मात जातीय भेद असल्यामुळे, शिक्षण आणि सरकारी नोकऱ्यांमध्ये आरक्षणासाठी जातीला संधी दिली जाते. शाळा आणि महाविद्यालयातील विद्यार्थ्यांना दिलेल्या प्रमाणपत्रांमध्ये, जातीच्या नावाबरोबर ‘हिंदू’ हा शब्द समाविष्ट असेल, तरच त्यांना आरक्षण मिळू शकेल. असे असताना, डीएमके सरकार ‘हिंदू’ हे नाव का काढून टाकत आहे हे मला समजत नाही. डीएमके सरकारचा या कृतीत निश्चितच चांगला हेतू असू शकत नाही,” असे त्यांनी जोडले. (Tamil Nadu)
हेही पहा –
Join Our WhatsApp Community