इराण आणि इस्त्रायल या दोन देशांमध्ये तणाव वाढला आहे. या वाढत्या संघर्षामुळे जगभरात चिंता निर्माण होत आहे. दरम्यान, अमेरिकेचे अध्यक्ष डोनाल्ड ट्रम्प यांनी सोशल मिडिया प्लॅटफॉर्म एक पोस्ट करुन इराणला अण्वस्त्रे बनवणे थांबवण्याचा कडक इशारा दिलाय. (Israel Iran Conflict)
ट्रम्प यांनी पोस्टमध्ये तेहरानच्या लोकांना शहर ताबडतोब रिकामे करण्याचा सल्ला दिला. यासोबतच, व्हाईट हाऊसने जाहीर केले की, ‘ट्रम्प अनेक महत्त्वाच्या बाबींवर लक्ष केंद्रित करण्यासाठी G7 शिखर परिषदेतून लवकर निघत आहेत. ट्रम्प यांनी त्यांच्या विधानांमध्ये इराणच्या अणुकार्यक्रमाबाबतच्या त्यांच्या जुन्या धोरणाचा पुनरुच्चार केला आणि तो थांबवण्याचे समर्थन केले. त्यांच्या या भूमिकेमुळे युद्ध होऊ शकते का? असा प्रश्न उपस्थित होत आहे.
(हेही वाचा – दिल्लीला जाणाऱ्या IndiGo विमानाचे नागपुरात Emergency landing; नेमकं काय प्रकरण?)
डोनाल्ड ट्रम्प यांनी ट्रुथ सोशलवर लिहिले, “मी त्यांना सांगितलेल्या ‘करारावर इराणने स्वाक्षरी करायला हवी होती. मानवी जीवितहानीबद्दल मला वाईट वाटते. मी स्पष्टपणे सांगतो की, आम्ही इराणला अण्वस्त्रे मिळवू देणार नाही. मी हे वारंवार सांगितले आहे. प्रत्येकाने ताबडतोब तेहरान सोडले पाहिजे.”
( @realDonaldTrump – Truth Social Post )
( Donald J. Trump – Jun 16, 2025, 6:30 PM ET )Iran should have signed the “deal” I told them to sign. What a shame, and waste of human life. Simply stated, IRAN CAN NOT HAVE A NUCLEAR WEAPON. I said it over and over again! Everyone… pic.twitter.com/aELwzzEaO8
— Donald J. Trump 🇺🇸 TRUTH POSTS (@TruthTrumpPosts) June 16, 2025
जी-7 शिखर परिषदेतील नेत्यांनीही इराणवर ताशेरे ओढले आहेत. जी ७ नेत्यांनी संबंधित निवेदनात म्हटले आहे, “इस्रायलला आपले संरक्षण करण्याचा पूर्ण अधिकार आहे. त्याच्या सुरक्षिततेसाठी आमचा संपूर्ण पाठिंबा आहे. नागरिकांचे संरक्षणही महत्वाचे आहे. इराण हा प्रादेशिक अस्थिरता आणि दहशतवादाचे एक मुख्य कारण आहे. इराण कधीही अण्वस्त्रे बाळगू शकत नाही, यावर आम्ही ठाम आहोत.”
डोनाल्ड ट्रम्प यांच्या या विधानामुळे फक्त इराणमध्येच नाही तर जागतिक नेत्यांमध्येही खळबळ उडाली आहे. जेव्हा इस्रायल आणि इराणमधील तणाव शिगेला पोहोचला आहे, त्यावेळीच ट्रम्प यांनी हे विधान केले आहे. ‘कोणत्याही किंमतीत इराणच्या अणु महत्त्वाकांक्षा सहन करणार नाहीत’, असं ट्रम्प यांनी स्पष्ट केले.
२०१८ मध्ये अमेरिकेने इराणसोबतच्या संयुक्त व्यापक कृती आराखड्यातून माघार घेतली. या करारांतर्गत, इराण लष्करी उद्देशांसाठी अण्वस्त्रे विकसित करणार नाही असा निर्णय घेण्यात आला.
नागरी हितासाठी अणुकार्यक्रम चालवत आहोत, असं इराण नेहमी सांगत आले आहे. पण, अमेरिका आणि इस्रायलला शंका आहे की, इराण अण्वस्त्रे विकसित करण्यासाठी कोणतेही पाऊल उचलत नाही. या संशयाच्या आधारे अमेरिकेने इराणसोबतचा संयुक्त व्यापक कृती आराखडा मोडला. यासोबतच इराणवर अनेक निर्बंधही लादण्यात आले. इराणने युरेनियम समृद्धीसाठी हजारो अद्ययावत सेंट्रीफ्यूज मशीन विकसित केल्या आहेत, त्यांचे प्लांट सुरू केले आहेत. JCPOA अंतर्गत, इराणला फक्त ३०० किलो युरेनियम ठेवण्याची परवानगी होती. (Israel Iran Conflict)
हेही पहा –
Join Our WhatsApp Community