महिला आणि तरुणींचे बोगस सोशल मीडिया आयडी तयार करून, त्याच्यावर अश्लील मजकूर, फोटो तसेच आक्षेपार्ह मेसेजस पाठवून ब्लॅकमेल करणाऱ्या २५ वर्षीय तरुणाला मुंबई पोलिसांनी कर्नाटक राज्यातुन अटक केली आहे. या तरुणाने जवळपास ३०० पेक्षा अधिक महिलांचे बोगस सोशल मीडिया अकाउंट तयार करून त्यांना ब्लॅकमेल केल्याचे पोलिसांच्या तपासात समोर आले आहे. ही कारवाई दहिसर पोलिसांनी (Dahisar Police) केली असून अटक करण्यात आलेला तरुण हा एका खाजगी कंपनीत सुरक्षा रक्षकाची नोकरी करीत होता.
(हेही वाचा – Israel Iran War: इस्रायलने इराणी टीव्ही स्टुडिओवर केला हल्ला; टीव्ही अँकरने काढला स्टुडिओमधून पळ, व्हायरल VIDEO आला समोर)
शुभम कुमार सिंग (Watchman Shubham Kumar Singh) असे अटक करण्यात आलेल्या सुरक्षा रक्षक तरुणाचे नाव असून तो मूळचा बिहारचा रहिवासी आहे. तक्रारदार ही मुंबईतील एक महाविद्यालयीन विद्यार्थिनी आहे. तिने ३१ जानेवारी या दिवशी पोलिसांकडे तक्रार केली होती. यामध्ये एका अज्ञात आरोपीने तिच्या नावाने अनेक बनावट इस्टाग्राम खाते (Fake Instagram account) तयार केले आहेत. तिने पुढे म्हटले की, या अकाउंटचा वापर तिच्याबद्दल अश्लील आणि आक्षेपार्ह मजकूर पोस्ट करण्यासाठी आणि शेअर करण्यासाठी केला जात आहे.
दहिसर पोलीस ठाण्यातील (Dahisar Police Station) एका अधिकाऱ्याने सांगितले की, आरोपी तक्रारदाराला ब्लॅकमेल करण्यासाठी आणि सोशल मीडियाद्वारे तिची बदनामी करण्यासाठी अश्लील भाषा वापरत होता. हे प्रकरण गांभीर्याने घेत, दहिसर पोलिसांनी आरोपींचा शोध घेण्यासाठी तपास सुरू केला. त्यांनी फेसबुक आणि गुगलवरून इन्स्टाग्राम आयडीची माहिती मिळवली. या माहितीच्या आधारे, आरोपी कर्नाटकातील संदूर येथे असल्याचे आढळून आले. पोलीस निरीक्षक अंकुश दांडगे यांच्यासह सायबर सेल (Cyber cell) अधिकाऱ्यांचे एक पथक कर्नाटकला गेले, जिथे त्यांनी आरोपीला अटक केली. पोलिसांनी सांगितले की, आरोपीने १ जुलै २०१५ ते ३० जून २०१६ दरम्यान नवी दिल्लीतील एका संगणक प्रशिक्षण केंद्रातून सॉफ्ट स्किल संगणक प्रशिक्षण घेतले आहे.
(हेही वाचा – Water Metro : मुंबईत वाहतूक क्रांती, लवकरच अडीच हजार कोटींचा प्रकल्प राबविणार; कॅबिनेट मंत्र्यांची घोषणा)
तपासा दरम्यान, आरोपीने आपल्या मोबाईल फोनवरून महिला आणि मुलींच्या वेगवेगळ्या नावांनी सुमारे १०० बनावट ईमेल आयडी तयार केल्याचे आढळून आले. पोलिसांनी गुन्ह्यात वापरलेला मोबाईल फोन जप्त केला आहे. आरोपी महिला आणि मुलींना त्रास देण्यासाठी या बनावट ओळखपत्रांचा वापर करत आहे, असे दहिसर पोलीस ठाण्याचे वरिष्ठ पोलीस निरीक्षक अशोक होनमाने (Senior PI Ashok Honmane) म्हणाले. पोलिसांनी सिंह यांच्यावर भारतीय न्याय संहिताच्या कलम ७८ आणि ७९ तसेच माहिती तंत्रज्ञान कायदा, २००० च्या कलम ६६ (क) आणि ६७ अंतर्गत गुन्हा दाखल केला आहे.
हेही पहा –
</div>