दादर पूर्व, वडाळा आणि फाईव्ह गार्डन परिसरातील Food Vendors वर कारवाई करण्याची शिवसेनेची मागणी

• विशेष प्रतिनिधी, मुंबई 

ऐरोली रेल्वे स्थानकाबाहेरील सिलिंडर स्फोटाच्या दुर्घटनेनंतर दादर, वडाळा रेल्वे स्थानक तसेच फाईव्ह गार्डन परिसरातील बेकायदेशीर फेरीवाल्यांविरुद्ध तात्काळ कारवाई करण्याची मागणी शिवसेनेच्यावतीने करण्यात आली आहे. शिवसेनेचे माजी नगरसेवक अमेय घोले यांनी महापालिकेच्या एफ उत्तर विभागाच्या सहायक आयुक्तांना निवेदन देऊन खाद्यपदार्थ विक्रीसाठी सिलिंडर सारख्या ज्वलनशील वस्तू तथा पदार्थ जप्त करून कारवाई करण्याची मागणी शिवसेनेने केली आहे. (Food Vendors)

(हेही वाचा – Murti Visarjan : सार्वजनिक मंडळाच्या मोठ्या मूर्तींचे विसर्जन अशक्यच, नैसर्गिक तलावांसाठी समन्वय समिती आग्रही; शासनाला करणार सूचनांचा मसुदा सादर)

अमेय घोले यांनी महापालिकेने दिलेल्या निवेदनात असे म्हटले आहे की, ऐरोली रेल्वे स्थानकाबाहेरील परिसरात एका बेकायदेशीर फेरीवाल्याच्या दुकानात असलेल्या सिलिंडरच्या स्फोटामुळे गंभीर अपघात घडला. अशा बेकायदेशीर फेरीवाल्यांकडे कोणतीही अधिकृत परवानगी आणि सुरक्षिततेची हमी किंवा नियंत्रण नसल्याने अशा घटनांनी नागरिकांचे प्राण धोक्यात येत आहेत. अशाप्रकारे चिंता व्यक्त करतानाच त्यांनी दुर्दैवाने, एफ उत्तर विभागातील दादर रेल्वे स्थानक, वडाळा रेल्वे स्थानक व फाईव्ह गार्डन परिसरातही अशा प्रकारचे बेकायदेशीर फेरीवाले मोठ्या प्रमाणात अतिक्रमण करून व्यवसाय करत आहेत. त्यांच्याकडेही अशा प्रकारचे गॅस सिलिंडर, स्टोव्ह, इतर ज्वलनशील वस्तू असण्याची शक्यता नाकारता येत नाही. हे अतिक्रमण केवळ वाहतुकीस अडथळा ठरत नाहीत, तर भविष्यात ऐरोलीसारखी दुर्घटना घडण्याची शक्यता निर्माण करते. (Food Vendors)

(हेही वाचा – जम्मू-काश्मीरच्या नायब राज्यपालांचं ‘ते’ विधान चर्चेत; LG Manoj Sinha यांचा मिश्किलपणा पाहा…)

त्यामुळे या सर्व ठिकाणांवरील बेकायदेशीर फेरीवाल्यांची तपासणी करून त्वरित कारवाई करावी. तसेच जे फेरीवाले गॅस सिलिंडर, स्टोव्ह, किंवा तत्सम साहित्य वापरत आहेत, त्यांच्यावर तात्काळ कठोर कायदेशीर कारवाई करण्यात यावी. रेल्वे स्थानक व प्रमुख रस्त्यांवरील अतिक्रमण हटवून परिसर निर्बंधित करण्यात यावा असेही म्हटले आहे. लोकसुरक्षेच्या दृष्टिकोनातून लवकरात लवकर कठोर पावले उचलावीत, असे त्यांनी म्हटले आहे. (Food Vendors)

हेही पहा –