मुंबईहून अंदमान आणि निकोबार बेटांच्या प्रवासाचा खर्च हा तुम्ही निवडलेल्या टूर पॅकेजचा कालावधी, राहण्याची सोय, तुमच्या पॅकेजमध्ये उपलब्ध असणारे उपक्रम, प्रवासाची पद्धत आणि तुम्ही कोणत्या हंगामात फिरायला जाता यांसारख्या घटकांवर अवलंबून असतो. या लेखात आम्ही तुम्हाला इंटरनेटवर उपलब्ध असलेल्या माहितीच्या आधारे तपशीलवार माहिती सांगणार आहोत. चला तर मग पाहुयात… (andaman nicobar)
(हेही वाचा – United Nations मध्ये पाकिस्तानी पत्रकारानेच नेत्याचे खोटे उघडे पाडले; काय आहे प्रकरण ?)
टूरचा खर्च
ब्रेकडाउन फ्लाइट्स :
मुंबईहून वीर सावरकर आंतरराष्ट्रीय विमानतळ, पोर्ट ब्लेअर पर्यंतच्या राउंड-ट्रिप विमान प्रवासाच्या तिकीटाची किंमत ही तुम्ही निवडलेली एअरलाइन बुकिंगची वेळ आणि तुम्ही कोणत्या हंगामात जाणार आहात यावर अवलंबून असतो. हा खर्च प्रति व्यक्ती ₹१०,००० ते ₹२५,००० पर्यंत असु शकतो. थेट विमान प्रवासाला सुमारे ४ ते ५ तास लागतात. तर चेन्नई किंवा कोलकाता मार्गे जाणाऱ्या कनेक्टिंग फ्लाइट स्वस्त असू शकतात. पण त्यामुळे प्रवासाचा वेळ वाढतो.
सर्वांत स्वस्त उड्डाणे :
प्रवासाची एकेरी तिकिटं ₹४,९६१ पासून सुरू होऊ शकतात. पण तुम्ही लवकर बुकिंग केलं तर परतीच्या प्रवासाच्या बुकिंगसाठी सुमारे ₹१२,३७९ ते ₹१८,९०२ होऊ शकतात. पण तुम्हाला कमीतकमी ६ महिने आगाऊ शिफारस करावी लागते. (andaman nicobar)
(हेही वाचा – ips officer salary : IPS अधिकारी वावरतो रुबाबात आणि घेतो एवढा पगार!)
राहण्याची सोय :
खिशाला परवडणारी राहण्याची सोय :
गेस्टहाऊस किंवा बजेट हॉटेल रूम्सची किंमत प्रति रात्र ₹१,२०० ते ₹३,००० एवढी असू शकते.
मध्यम श्रेणी हॉटेल्स :
३-स्टार हॉटेल्समध्ये रूम्सची किंमत प्रति रात्र ₹३,००० ते ₹७,००० एवढी असू शकते.
लक्झरी हॉटेल्स :
५-स्टार रिसॉर्ट्स किंवा प्रीमियम हॉटेल्स मध्ये रूम्सची किंमत प्रति रात्र ₹७,००० ते ₹४०,००० एवढी असू शकते.
५ ते ७ दिवसांच्या सहलीसाठी श्रेणी आणि शेअरिंग आधारावर प्रति व्यक्तीचा राहण्याचा खर्च ₹६,००० ते ₹५०,००० एवढा असू शकतो.
टूर पॅकेजेस :
बजेट पॅकेजेस :
हे पॅकेजेस ४ ते ७ दिवसांपासून सुरू होतात.
या पॅकेजमध्ये प्रति व्यक्ती ₹१२,४९९ ते ₹२५,००० एवढा दर असतो. त्यांत राहण्याची सोय, वाहतूक (फेरी/कॅब) आणि मूलभूत पर्यटन स्थळे जसं की, पोर्ट ब्लेअर, हॅवलॉक, नील आयलंड यांचा समावेश आहे.
मध्यम श्रेणीचे पॅकेजेस :
या पॅकेजमध्ये प्रति व्यक्ती ₹२५,००० ते ₹५०,००० एवढा खर्च येतो. त्यांत फ्लाइटचा प्रवास, चांगल्या हॉटेलमध्ये राहण्याची सोय आणि स्नॉर्कलिंग किंवा सेल्युलर जेल भेट यांसारख्या क्रियाकलापांचा समावेश आहे.
लक्झरी पॅकेजेस :
या पॅकेजमध्ये प्रति व्यक्ती ₹५०,००० ते ₹१००,००० एवढा खर्च येतो. या पॅकेजमध्ये प्रीमियम रिसॉर्ट्स, खाजगी ट्रान्सफर आणि स्कूबा डायव्हिंगसारख्या सुविधा उपलब्ध असतात.
हनिमून पॅकेजेस :
हनिमून पॅकेजेस हे बजेट पर्यायांसाठी प्रति व्यक्ती ₹१२,९९९ पासून सुरू होतात. या पॅकेजेसमध्ये कॅन्डललाइट डिनरसारख्या अनेक रोमँटिक गोष्टींचा समावेश असतो. (andaman nicobar)
(हेही वाचा – kiwi fruit benefits : किवी फळ खाल्ल्याने शरीराला मिळतात अद्भुत फायदे; अनेक रोगांवर करता येते मात)
क्रियाकलाप :
वॉटर स्पोर्ट्स :
★स्कूबा डायव्हिंगसाठी प्रति डायव्ह ₹३,००० ते ₹५,००० एवढा खर्च होतो.
★स्नॉर्कलिंग साठी ₹१,००० ते ₹२,००० एवढा खर्च येतो.
★सी-वॉक करण्यासाठी प्रतिव्यक्ती ₹३,००० ते ₹४,००० एवढा खर्च येतो.
★पॅरासेलिंग किंवा काचेच्या तळाशी बोट राइड्स करण्यासाठी प्रतिव्यक्ती ₹५०० ते ₹२,००० एवढा खर्च येतो.
प्रेक्षणीय स्थळं :
सेल्युलर जेल :
सेल्युलर जेलचं प्रवेश शुल्क हे प्रतिव्यक्ती ₹३० ते ₹५० एवढं आहे. तर लाईट अँड साउंड शोसाठी प्रतिव्यक्ती ₹२०० ते ₹३०० होतात.
हॅवलॉक/नील बेटासाठी फेरी राईड ही प्रति व्यक्ती ₹१,००० ते ₹२,००० एवढी असू शकते.
तसंच तुमच्या निवडींवर अवलंबून असलेल्या उपक्रमांसाठी प्रति व्यक्ती ₹५,००० ते ₹१५,००० एवढा खर्च अपेक्षित आहे. (andaman nicobar)
(हेही वाचा – Durgadi Fort: दुर्गाडी किल्ल्याची संरक्षण भिंत कोसळली; शिवप्रेमींमध्ये नाराजी)
जेवण :
खिशाला परवडणारी भोजनालयं :
अंदमान इथल्या स्थानिक रेस्टॉरंट्समध्ये जेवण प्रति ₹२०० ते ₹५०० या दराने मिळतं.
मध्यम श्रेणीचे रेस्टॉरंट्स :
या रेस्टॉरंट्समध्ये जेवण प्रति ₹५०० ते ₹१,५०० एवढ्या दराने मिळतं. ५ ते ६ दिवसांचा जेवणाचा खर्च हा प्रति व्यक्ती ₹३,००० ते ₹१०,००० एवढा असू शकतो.
स्थानिक वाहतूक :
बेटांदरम्यान प्रवास करण्यासाठी फेरी वापरल्यास प्रति ट्रिप ₹१,००० ते ₹२,००० एवढा खर्च येतो. तसंच कॅब किंवा ऑटो-रिक्षाने प्रवास करायचा असेल तर प्रति दिन ₹५०० ते ₹२,००० एवढा खर्च येतो. याव्यतिरिक्त जर तुम्ही दुचाकी भाड्याने घेतलीत तर प्रति दिन ₹५०० ते ₹१,००० एवढा खर्च येतो.
अतिरिक्त खर्च होण्यापासून वाचवण्यासाठी काही टिप्स :
- ट्रिपसाठी ६ महिने आधीच फ्लाइट बुक करा.
- राहण्यासाठी हॉटेल्सच्या स्वस्त दरांसाठी शोल्डर सीझनमध्ये प्रवास करा. जसं की, एप्रिल ते जुलै.
- तसंच बजेट निवास आणि स्थानिक भोजनालयांची निवड करा.
- उपक्रमांचे निवडक नियोजन करा.
- ग्रुप टूर खर्च कमी करू शकतात.
- वेगवेगळ्या ट्रॅव्हल एजन्सीला संपर्क करून त्यांच्याकडे ऑफर करण्यात येणाऱ्या अंदमान-निकोबार ट्रीपच्या पेकेजची तुलना करून विचारपूर्वक निवड करा. (andaman nicobar)
(हेही वाचा – Bengaluru Stampede : कुंभमध्येही ५०-६० जणांना जीव गमवावा लागला होता; कर्नाटकच्या मुख्यमंत्र्यांचा निर्लज्जपणाचा कळस)
काही महत्त्वाच्या टीपा :
ट्रिपसाठी सर्वोत्तम वेळ :
- आल्हाददायक हवामान आणि जलक्रीडांचा आनंद घ्यायचा असल्यास जुलै ते सप्टेंबर या महिन्यांदरम्यान जाऊ शकता.
- तसंच बाह्य क्रियाकलापांसाठी ऑक्टोबर ते मे या महिन्यांदरम्यान तुम्ही जाऊ शकता.
- अंदमान-निकोबार बेटांवर जाण्यासाठी भारतीय नागरिकांना पासपोर्टची आवश्यकता नाही. वैध ओळखपत्र पुरेसं आहे. पण तरीही विशिष्ट बेटांवर जाण्यासाठी परवानग्या असणं गरजेचं आहे. जसं की, जॉली बुओय. (andaman nicobar)
हेही पहा –
Join Our WhatsApp Community