Bakri Eid : इमारतीच्या आवारात बकऱ्यांची कुर्बानी; गोरेगावमधील रहिवाशांनी उठवला आवाज

• विशेष प्रतिनिधी, मुंबई 

बकरी ईद (Bakri Eid) निमित्त बकऱ्यांची कुर्बानी इमारती तथा गृहनिर्माण सोसायटीमध्ये केली जात असल्याने याला आता विरोध होत असून गोरेगाव गोकुळधाम मधील सॅटेलाईट गार्डन दोनमधील डी ३ इमारतीच्या आवारात उघड्या जागेवर कुर्बानी देण्यात येत असल्याने याला स्थानिकांनी जोरदार विरोध केला आहे. या इमारतीच्या आवारात अशाप्रकारे उघड्यावर कुर्बानी दिली जात असल्याने याला परवानगी देण्यात येऊ नये आणि दिली असल्यास ती रद्द करावी अशाप्रकारची मागणीच स्थानिक माजी नगरसेविका प्रिती सातम यांनी रहिवशांच्या शिष्टमंडळासह महापालिका सहायक आयुक्तांची भेट देत केली आहे. त्यामुळे पी दक्षिण विभागाचे सहायक आयुक्त आता यावर काय निर्णय घेतात याकडे सर्वांचे लक्ष आहे.

(हेही वाचा – Water Conservation Department : सुधारित बृहत आराखडा तयार करत दोन दिवसीय कार्यशाळेचे आयोजन; मंत्री Sanjay Rathod यांची घोषणा)

गोरेगाव पूर्वमधील गोकुळधाममधील आरे भास्कर रोडवरील सॅटेलाईट गार्डन फेज टूमधील डी ३ इमारतीच्या आवारात मुस्लिम बांधव बकरी ईद (Bakri Eid) निमित्त बकऱ्यांची कुर्बानी देतात. यासाठी इमारतीच्या आवारात उघड्यावर ही कुर्बांनी दिली जात आहे. यासंदर्भात येथील राज रुद्रम गृहनिर्माण सोसयटीने भाजपाच्या स्थानिक माजी नगरसेविका प्रीती सातम यांना निवेदन देत याठिकाणी दिल्या जाणाऱ्या कुर्बानीला विरोध केला आहे. मुस्लिम धर्मीय आपल्या सणानिमित्त मंडप बांधून अशाप्रकारे धार्मिक पशुवध करत कुर्बानी देत असल्याने एकप्रकारे आसपासच्या परिसरांमध्ये प्रचंड दुर्गंधीचे वातावरण तसेच किळसवाणा प्रकार दिसून येतो. तसेच अशाप्रकारे खुलेआम बकऱ्यांची कुर्बानी दिली जात असल्याने हे दृश्य पाहून लहान मुलांसह इतरांच्या मनात परिणाम होतो. त्यामुळे याठिकाणी उघड्या जागेवर कुर्बानी देण्यास परवानगी दिली असल्यास करावी अशी मागणी केली.

(हेही वाचा – आता आयटीआयमध्ये एआय, रोबोटिक्स, ड्रोन टेक्नॉलॉजी अभ्यासक्रम; कौशल्य विकासमंत्री Mangal Prabhat Lodha यांची घोषणा)

राज रुद्रम सोसायटीच्यावतीने प्राप्त झालेल्या मागणीची दखल घेत प्रीती सातम यांनी या सर्व रहिवाशांच्या शिष्टमंडळास पी दक्षिण विभागाचे सहायक आयुक्त अजय पाटणे यांनी भेट घेतली आणि रहिवाशांच्या मागणीचे निवेदन सादर केले. यावेळी रहिवाशांनी याबाबत प्रशासनासमोर आपली बाजू मांडून कुर्बानीला विरोध का आहे पटवून देण्याच प्रयत्न केला. याबाबत स्थानिक माजी नगरसेविक प्रीती सातम यांनी माध्यमांशी बोलतांना स्थानिक रहिवाशांच्या मागणीनुसार येथील रहिवाशांच्या शिष्टमंडळाला सोबत सहायक आयुक्तांची भेट घेऊन ही बाब त्यांच्या निदर्शनास आणून दिली आहे. तसेच याठिकाणी कुर्बानीसाठी परवानगी दिली असल्यास ती रद्द करावी अशाप्रकारची मागणी केली आहे. न्यायालयाच्या निर्देशानुसार, कुर्बानी देण्यासाठी परवानगी मागितलेल्या ठिकाणापासून जर १ किलोमीटर परिसरात मशिद असेल तर त्याठिकाणी कुर्बानीसाठी परवानगी दिली जावी असे स्पष्ट नमुद आहे. त्यामुळे डी ३ इमारतीपासून जवळच्या परिसरात मशिद असल्याने तिथे परवानगी देता येऊ शकत नाही. त्यामुळे प्रशासनाच्या निदर्शनास ही बाब आणून देत ही परवानगी रद्द करण्याची मागणी असल्याचे त्यांनी म्हटले आहे. (Bakri Eid)

हेही पहा –