-
विशेष प्रतिनिधी, मुंबई
हाताची स्वच्छता, श्वसन स्वच्छता, खोकण्याचे शिष्टाचार (खोकताना/शिंकताना तोंड किंवा नाक झाकणे), सार्वजनिक ठिकाणी न थुंकणे इ. यासारख्या स्वच्छतापूर्ण वर्तनाचे समुदायाने पालन करण्यास प्रोत्साहन देण्यासाठी उपक्रम हाती घ्यावेत. विशेषत्वाने वृद्ध, सहव्याधी असलेले लोक आणि रोगप्रतिकारक शक्तीची कमतरता असलेले या गटातील लोकांनी कमी हवेशीर किंवा गर्दीच्या ठिकाणी जाणे टाळावे किंवा अशा ठिकाणी मुखपट्टी अर्थात फेस मास्क वापरावा, अशाप्रकारचे निर्देश दिले आहेत. (Covid)
(हेही वाचा – 11th Online Admission साठी मुदतवाढ; विद्यार्थ्यांना ५ जून दुपारी २ वाजेपर्यंत संधी)
राज्याच्या सार्वजनिक आरोग्य विभागाचे कोविड – १९ बाबतच्या केंद्र शासनाच्या मार्गदर्शक सूचनांची काटेकोरपणे कार्यवाही करण्याचे निर्देश सर्व जिल्हाधिकारी, सर्व महापालिका आयुक्त्त यांना २ जून २०२५ रोजी परिपत्रकाद्वारे केले आहे. यात सार्वजनिक आरोग्य विभागाच्या वतीने जारी केलेल्या परिपत्रकांमध्ये असे म्हटले आहे. विविध कारणांमुळे होणारे इन्फ्लुएंझा, सार्स, आरएसव्ही सारखे विषाणूजन्य आजार हंगामी चढ-उतारम्हणून समुदायात दिसून येतात. देशाच्या काही भागांमध्ये तीव्र श्वसन आजारांच्या प्रकरणांमध्ये लक्षणीय परंतु सावकाशपणे वाढ होताना दिसून येत आहे. यातील बहुतांश प्रकरणे ही सौम्य असल्याची बाब लक्षात घेणे आवश्यक आहे. सध्या प्रसारित होणाऱ्या प्रकारामध्ये (व्हेरिएंट) जेएन१, एक्सएफजी आणि एलएफ ७.९ हे आहेत. या प्रकारांमुळे ताप, खोकला, घसा खवखवणे यासारखे सौम्य आजार होतात, जे सहसा स्वतःहून कमी होतात. (Covid)
(हेही वाचा – State Government : येत्या ८ दिवसांत एसटी महामंडळाची श्वेतपत्रिका सादर होणार; सरकारचं ऐतिहासिक पाऊल की राजकीय खेळी?)
देशात २८ मे २०२५ पर्यंत कोविड – १९ चे एकूण १६२१ रुग्ण सक्रिय आहेत, देशातील एकूण सक्रिय प्रकरणांपैकी ९०% पेक्षा जास्त प्रकरणे केरळ, महाराष्ट्र, दिल्ली, गुजरात, तामिळनाडू आणि कर्नाटक या ६ राज्यांमध्ये आहेत. महाराष्ट्रामध्ये सध्या अंदाजे ५०६ रुग्ण सक्रिय असून त्यामधील बहुतांश प्रकरणे मुंबईतील आहेत. यापैकी बहुतांश प्रकरणे सौम्य असली तरी, पुरेशी खबरदारी म्हणून, राज्ये/केंद्रशासित प्रदेशांना खालील उपाययोजना करण्याबाबत केंद्र शासनाने मार्गदर्शक सूचना दिलेल्या आहेत. जिल्हा, उपजिल्हा पातळीवर तसेच वैद्यकीय महाविद्यालये, इतर शिक्षण/तृतीय सेवा संस्था, महानगरपालिका तथा नगरपरिषद रुग्णालये आणि इतर सर्व आंतररुग्ण सेवा सुविधांमध्ये रुग्णालयांच्या तयारीचा आढावा घेतला जावा. रोगनिदान, आवश्यक औषधे, पीपी किट, आयसोलेशन बेडस्, मेडीकल ऑक्सिजन, आयसीयू आणि व्हेंटिलेटर बेड्स यांच्या पुरेशा उपलब्धतेवर भर देण्यात यावा. एकंदर ऑक्सिजन प्रिपरनेस सुनिश्चित करण्यासाठी मॉक ड्रिल घेण्यात यावे. याबाबतच्या केलेल्या कार्यवाहीचा कृती अहवाल तात्काळ सादर करावा. तीव्र श्वसन आजाराची लक्षणे असलेल्या रुग्णांनी त्यांच्या आरोग्याचे स्वयंनिरीक्षण ठेवावे आणि जर धाप लागणे, छातीत दुखणे इत्यादी लक्षणे जाणवल्यास जवळच्या आरोग्य सुविधांना कळवावे. या मार्गदर्शक तत्वांनुसार याबाबतच्या आवश्यक संपूर्ण तयारीसाठी आपले सामूहिक प्रयत्न करावे अशाप्रकारचे निर्देश सार्वजनिक आरोग्य विभागाने दिल्या आहेत. (Covid)
हेही पहा –
Join Our WhatsApp Community