“ईडी-एनआयएने सर्व युट्यूबर्स, मीडिया इन्फ्लुएंसर आणि फेसबुक पत्रकारांची चौकशी करावी” ; Jyoti Malhotra प्रकरणावर निशिकांत दुबे यांची मोठी मागणी !

हरियाणा राज्यातील युट्यूबर ज्योती मल्होत्रा (Jyoti Malhotra ) हिला देशातील संवेदनशील माहिती पाकड्यांना पुरवल्याच्या आरोपाखाली अटक करण्यात आली आहे. पोलिसांनी तिला 17 मे रोजी अटक केली. न्यायालयाने तिला 5 दिवसांची पोलीस कोठडी सुनावली. पाकिस्तान अधिकाऱ्यांनी ती संवेदनशील माहिती पुरवत होती आणि पाकसाठी हेरगिरी करत असल्याची माहिती समोर आली आहे. (Jyoti Malhotra )

युट्यूबर्स, मीडिया इन्फ्लुएंसर, बेरोजगार पत्रकारांचे परदेश दौरे यांची चौकशी करावी
ज्योती मल्होत्राच्या अटकेनंतर भाजपा खासदार निशिकांत दुबे यांनी सोमवारी ट्विट करत मोठी मागणी केली आहे. ईडी, एनआयएने सर्व युट्यूबर्स, फेसबुक पत्रकारांची चौकशी करावी अशी मागणी त्यांनी केली आहे. ट्विट करत निशिकांत दुबे म्हणाले, “पाकिस्तानसाठी हेरगिरी करताना पकडलेल्या ज्योती मल्होत्राचे कारनामे लक्षात घेता, एनआयए आणि ईडीने गेल्या ५ वर्षांपासून अशा युट्यूबर्स, मीडिया इन्फ्लुएंसर, फेसबुक पत्रकार, बेरोजगार पत्रकारांचे परदेश दौरे, जाहिराती, बँक खाती, गाड्या, घरे यांची चौकशी करावी… ते देखील काही परदेशी शत्रूंसोबत सहकार्य करून अजेंडा चालवत आहेत का? याकडे लक्ष द्यावे. यासोबतच त्यांनी सांगितले की, गेल्या ३ वर्षात भारतीयांनी फक्त युट्यूबवरून २१ हजार कोटी रुपये कमावले आहेत.” अशी माहिती निशिकांत दुबे यांनी दिली आहे. (Jyoti Malhotra )

पाकिस्तान के लिए जासूसी करते हुए पकड़ी गईं ज्योति मल्होत्रा के कारनामों को देखते हुए @NIA_India @dir_ed को वैसे यूट्यूबर,मीडिया इन्फ्लूएंसर ,फ़ेसबुक पत्रकार ,बेरोजगार पत्रकार के पिछले 5 सालों का विदेशी दौरा,विज्ञापन,बैंक अकाउंट,गाड़ी,मकान जॉंचना चाहिए,कहीं वे भी तो किसी विदेशी…

— Dr Nishikant Dubey (@nishikant_dubey) May 19, 2025

सोशल मीडिया इन्फ्लुएंसर रडारवर
पाकिस्तानसाठी हेरगिरी केल्याच्या आरोपाखाली अटक करण्यात आलेल्या ज्योती मल्होत्राची इलेक्ट्रॉनिक उपकरणे आता सुरक्षा यंत्रणांसाठी महत्त्वाचा पुरावा बनू शकतात. यासंदर्भात, अनेक भारतीय सोशल मीडिया इन्फ्लुएंसर देखील तपास संस्थांच्या रडारवर आले आहेत. (Jyoti Malhotra )

तीन वेळा पाकिस्तानला, एकदा चीनला आणि अनेक वेळा काश्मीरला गेली
ज्योतीच्या सांगणायानुसार, जेव्हा ती चीनच्या दौऱ्यावर गेली तेव्हाही तिला व्हीआयपी वागणूक मिळाली. ज्योतीचे वडील हरियाणातील वीज महामंडळातून निवृत्त झाले आहेत. ती त्यांच्यासोबत हिसारमध्ये राहते, पण तिच्या खर्चासाठी त्यांच्याकडून पैसे घेत नाही. युट्यूबमधून मिळणाऱ्या उत्पन्नालाही ती हात लावत नाही. तिच्या प्रवासाचा संपूर्ण खर्च पाकिस्तानी अधिकाऱ्यांनी केला. ती नेहमी विमान किंवा ट्रेनने फर्स्ट क्लासनेच प्रवास करायची आणि फक्त महागड्या हॉटेल्समध्येच राहायची. आतापर्यंत ती तीन वेळा पाकिस्तानला, एकदा चीनला आणि अनेक वेळा काश्मीरला गेली आहे, असं ज्योतीने हिसार गुन्हे शाखेच्या अधिकाऱ्यांनी केलेल्या चौकशीत सांगितलं. (Jyoti Malhotra )

“ट्रॅव्हल विथ जो”
एवढंच नव्हे तर तिने पाकिस्तानी अधिकाऱ्यांसोबत इंडोनेशिया, थायलंड, दुबई, भूतान, बांगलादेश आणि नेपाळचा प्रवासही केला आहे. तिचा पासपोर्ट 22 ऑक्टोबर 2018 रोजी बनवण्यात आला होता आणि तो 21 ऑक्टोबर 2028 पर्यंत वैध असल्याचे तिने पोलिस चौकशीदरम्यान सांगितले. गेल्या तीन वर्षांपासून ती तिच्या “ट्रॅव्हल विथ जो” या युट्यूब चॅनलसाठी व्हिडिओ बनवण्याच्या नावाखाली देशभर आणि परदेशात फिरत आहे. दिल्लीतील एका शीख गटासोबत दोनदा पाकिस्तानातील करतारपूर साहिब गुरुद्वाराला गेली होती आणि एकदा एकटीच गेली होती असेही ज्योतीने चौकशीदरम्यान उघड केलं. (Jyoti Malhotra )

हेही पहा-