Operation Sindoor : ऑपरेशन सिंदूर अंतर्गत करण्यात आलेल्या कारवाईत पाकिस्तानच्या हवाई तळांचं मोठं नुकसान झाल्याचं समोर आलं. तसेच, भारतीय माध्यमांनीदेखील पाकिस्तानच्या किराना हिल्सवर हल्ला झाल्याचा दावा केला होता. त्यावर विविध तर्कवितर्क लढविले जात असून भारतीय हवाई दलानेही आम्ही किराना हिल्सवर हल्ला केला नसल्याचे म्हटले होते. त्यावर आता चर्चांना उधाण आलं असताना अमेरिकेने यावर बोलणं टाळल्याचं समोर आलं आहे.
दरम्यान, किराना हिल्सवरील आसपासची गावे रिकामी करण्यात आली का?, अणु किरणोत्सर्गाच्या गळतीच्या प्रश्नाचे उत्तर अमेरिकेने का दिले नाही? पाकिस्तानच्या अण्वस्त्रांवर हल्ल्याबद्दल चर्चेवर अमेरिकेने भाष्य करणं टाळले आहे. किराणा हिल्सबाबत आणखी दावे समोर आले आहेत. लोकांनी सोशल मीडियावर बातमी दिली आहे की पाकिस्तानी सैन्य किराणा टेकड्यांच्या आसपासची गावे रिकामी करत आहे. या संदर्भात, पाकिस्तानमधील एका व्हिडिओचा उल्लेख केला जात आहे.
(हेही वाचा Metro विस्ताराला केंद्राचे पूर्ण सहकार्य; राज्यात कुठे आणि कसा होणार विकास ? )
दि. ०७ मे २०२५ रोजी भारताने पाकिस्तानमधील दहशतवादी तळांवर हल्ला केला होता. प्रत्युत्तरादाखल पाकिस्तानने भारतीय लष्करी तळांना लक्ष्य करण्याचा प्रयत्न केला. भारताने याला जोरदार प्रत्युत्तर देत पाकिस्तानातील ११ हवाई तळ उद्ध्वस्त केले होते. यावेळी भारताने पाकिस्तानच्या अण्वस्त्र साठवणुकीच्या सुविधेवर हल्ला केल्याचे वृत्तही समोर आले. ही सुविधा सरगोधा एअरबेससह बांधलेली किराणा हिल्स असल्याचे म्हटले जात होते.
महत्त्वाचे म्हणजे भारतीय हवाई दलाने हल्ल्याचा इन्कार केला असला तरी, सतत येत असलेली माहिती किराना हिल्सबद्दल प्रश्न उपस्थित करत आहे. यासोबतच आता सोशल मीडियावर एका विमानाचा संबंध किराणा हिल्सवरील हल्ल्याशी जोडल्याचे दिसून आले. हे विमान अमेरिकेच्या ऊर्जा विभागाचे बीचक्राफ्ट बी३५० असल्याचे बोलले जात आहे. परंतु, याबाबत अमेरिकन प्रवक्त्यांना विचारले असता ते म्हणाले, सध्या आपल्याकडे याबद्दल पूर्वावलोकन करण्यासाठी काहीही नाही, असे सांगण्यात आले. एक अमेरिकन पथकही येथे चौकशी करण्यासाठी आल्याचे दावे करण्यात आले. आता अमेरिकेने याबद्दल कोणतेही उत्तर देण्यास नकार दिला आहे.Operation Sindoor
Join Our WhatsApp Community