वक्फ कायद्यावर संपूर्ण देश शांत, पण केवळ West Bengal का पेटले?

बंगालमधील मुस्लिम राजकारण समजून घ्या

पश्चिम बंगालमध्ये  (West Bengal) ३० टक्के मुसलमान मतदार आहेत, ज्यांचा सुमारे १०० ते १२० विधानसभा जागांवर प्रभाव आहे. या जागांवर, बंगालच्या मुर्शिदाबाद, मालदा, उत्तर दिनाजपूर, दक्षिण दिनाजपूर आणि दक्षिण २४ परगणा जिल्ह्यांमध्ये मुसलमान मतदारांची संख्या ४० टक्क्यांहून अधिक आहे. मुर्शिदाबादमध्ये सुमारे ७० टक्के मुसलमान मतदार आहेत आणि मालदामध्ये ५७ टक्के मुसलमान मतदार आहेत. या दोन्ही जिल्ह्यांमध्ये ३४ विधानसभेच्या जागा आहेत. अशाप्रकारे, ममता बॅनर्जी यांनी मुसलमान मतांवर आपली पकड टिकवून ठेवण्यासाठी रणनीती अवलंबली आहे.

(हेही वाचा Murshidabad Violence : झियाउल शेखला अटक; हिंदू पिता-पुत्राची हत्या करण्यासाठी मुसलमानांना चिथवले होते)

मुसलमानांचे तुष्टीकरण ममता बॅनर्जींना महागात बसणार  

ममता बॅनर्जी ज्या पद्धतीने मुसलमान मतपेटीवर लक्ष ठेवून आहेत, ते काँग्रेस आणि डाव्या राजकारणासाठी निश्चितच चिंतेचे कारण ठरू शकते, परंतु मुस्लिम मतपेढीच्या साहाय्याने भाजपावर मात करणे सोपे नाही. मुर्शिदाबाद हिंसाचाराचे निमित्त करून, भाजपा तृणमूल काँग्रेसवर हल्ला करत आहे. विरोधी पक्षांवर मुस्लिम तुष्टीकरणाचे आरोप करून भाजपाने हिंदू व्होट बँक मजबूत केली आणि त्या जोरावर उत्तर प्रदेश, हरियाणा, महाराष्ट्र आणि दिल्लीच्या निवडणुकीत घवघवीत यश मिळवले. भाजपाने सपा आणि राजदवर मुसलमान तुष्टीकरण करणारे पक्ष असा आरोप केला आहे. आजपर्यंत ते त्यातून बाहेर पडू शकलेले नाही. काँग्रेसपासून ते सपा, राजदपर्यंत अनेक विरोधी पक्ष  हिंदूविरोधी असल्याचे भाजपाने सिद्ध केल्याने ते पक्ष त्यातून बाहेर पडू शकले नाहीत, या रणनीतीअंतर्गत, भाजपा पश्चिम बंगालमधून  (West Bengal) तृणमूल काँग्रेसला सत्तेपासून दूर करण्याचा प्रयत्न करणार आहे. २०२६ ची पश्चिम बंगालमधील  (West Bengal) विधानसभा निवडणुकीच्या पार्श्वभूमीवर ममता बॅनर्जी वक्फ सुधारणा कायद्याचे शस्त्र म्हणून वापर करत आहेत. त्याचा ममता ममता बॅनर्जींना फारसा फायदा होणार नाही, कारण भाजपाने तिथे हिंदूंचे संघटन सुरु केले आहे.